Advertisements

KOMUNIKADO DI KUERPO POLISIAL KÒRSOU Ripitishon búskeda di hobensita Lidushka Jamanika

KOMUNIKADO DI KUERPO POLISIAL KÒRSOU

no.: 354 / 2018

23 ougùstùs 2018

Ripitishon búskeda di hobensita Lidushka Jamanika.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ


Polis ta bolbe pidi búskeda di e hobensita, Lidushka Constancia Jamanika, di 15 aña di edat. E
hobensita aki a sali 7 ougùstùs 2018 alrededor di 9or di anochi, for di kas di su mama pa bai serka su
wela ku ta biba den e mesun bisindario i no a regresa su kas bèk. E hóben aki tin un ‘moedervlek’ na
su pia drechi patras na e parti ariba.

 

Lidushka tin e siguiente deskripshon:
Haltura : + 1.60 m;
Postura : delegá;
Koló di kueru : maron skur;
Kabei : natural
Koló di wowo : maron kla;
Forma di kara : oval;
Na momentu ku e la sali kas e tabatin un blusa ros bisti ku strepi vertikal pretu i un ‘legin’ ku diseño
di bandera merikano i na su pia e tabatin un slòf ros ku pretu.
Polis ta supliká tur hende ku por duna kualke informashon tokante di Lidushka pa tuma kontakto ku
polis na e number di telefòn 917 òf na e number anónimo 108.
Kuerpo Polisial ke rekordá tur siudadano mayor di edat ku tin un menor, sea
ku esaki su pèrmit òf kontra su boluntat bou di su kustodia sin ku e ta e mayor
of e tutor legal di e menor aki, ku esaki ta kastigabel pa lei.

Advertisements
%d bloggers like this: