Advertisements

KOMUNIKADO DI KUERPO POLISIAL KÒRSOU Kaso di tiramentu ku morto.

KOMUNIKADO DI KUERPO POLISIAL KÒRSOU

352 / 2018

23 ougùstùs 2018

Kaso di tiramentu ku morto.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 23 di ougùstùs 2018, alrededor di 00.40 or, Sentral di Polis a haña informashon ku na Groot Sta. Martha tin un hòmber drumí riba kaya.
Na yegada di un unidat na e sitio nan a topa ku un hòmber tur na sanger drumí riba kaya. E hòmber tabatin perforashon di bala na diferente parti di su kurpa. Tambe polis a haña i konfiská diferente huls ku tabata bentá riba kaya. Alrededor di 02.45 or dòkter di polis ku a presentá na e sitio a konstatá morto di e hòmber,

Sylvano Mitchel Egbert Van Utrecht, nasé na Kòrsou, 29 september 1968.

Riba òrdu di Fiskal di Ministerio Públiko a konfiská e kurpa sin bida pa mas investigashon.
Departamentu di Reshèrshi ta kontinuá ku e investigashon.

 

Advertisements
%d bloggers like this: