Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KOLEGIO RAYO DI SOLO KU ESPASIO PA STASHONÁ OUTO PA MAYORNAN BAHA YU

KOLEGIO RAYO DI SOLO KU ESPASIO PA STASHONÁ OUTO PA MAYORNAN BAHA YU

Pa aliviá un situashon ku tabata reina pa añanan dilanti Kolegio Rayo di Solo na Hanchi Amboina, Kolegio Ehekutivo a tuma pasonan nesesario pa krea un espasio pa mayornan por para nan outo na un forma ordená na momentu ku nan hiba òf buska nan yunan.

Direktiva di skolnan públiko, bou di kual ta kai tantu Kolegio Rayo di Solo komo Kolegio Strea Briante, pa medio di e direktor anterior sra. Eveliene Coenen, a trese e situashon aki nan konosementu di Gobièrnu di Boneiru, den persona di diputado di enseñansa, sr. Edsel Cecilia. Den un enkuentro promé ku fakansi, sra. Coenen kompañá pa su susesor sra. Saby de Bies i dos representante di mayor a trese nan preokupashon grandi dilanti. Pa hopi aña kaba tabata reina un situashon

ku sigur ta peligroso pa e alumnonan, pero tambe pa e fluho di tráfiko mes.

Den estrecho koperashon ku diputado di infrastruktura, sr. James Kroon, a logra pone e fondo nesesario disponibel pa trese un solushon kreativo i temporal pa aliviá e situashon promé ku e aña eskolar nobo a inisiá. Esaki pendiente e desaroyonan pa e planifikashon den futuro. Ta asina ku den kuadro di e programa pa finansiá proyektonan for di e asina yama fondo “EDF-11” di Union Oropeo, lo bai atendé di forma struktural i duradero ku entre otro infrastruktura rondó di skolnan i fasilidatnan pa lèsnan di gemnastik.  Sinembargo mirando e urgensia di e situashon ku ya pa añanan ta sklama pa atenshon na e anterior Kolegio Reina Beatrix, gobièrnu a atendé ku esaki den forma diligente.  Próksimamente lo kaba pone bòrchinan ku ta duna indikashon na outomobilistanan ku bista riba seguridat.

Riba e foto por mira diputado sr. Edsel Cecilia na momento ku ela bishitá e sitio pa mira kon e espasio pa parker a keda. D.r.p.d. direktor nobo di Fundashon Skolnan Públiko di Boneiru Saby de Bies, diputado Cecilia, direktor saliente Eveliene Coenen.

 

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: