Advertisements

KOMUNIKADO DI KUERPO POLISIAL KÒRSOU Detenshon pa violashon di lei di arma.

KOMUNIKADO DI KUERPO POLISIAL KÒRSOU
349 / 2018
22 ougùstùs 2018

Detenshon pa violashon di lei di arma.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 21 di ougùstùs 2018, alrededor di 23.50 or di anochi, personal di Tim di Mantenshon di órden publiko a tene un kontrol den área di Seru Fortuna.
Durante di e kontrol e tim a tuma nota di un outo ku 4 hòmber sospechoso aden.
Polis a duna e shofùr señal pa para e outo pero e la sigui kore.
Mesora e agentenan a kuminsa ku un persiguishon tras di e outo.
Durante di e persigishon polis a mira ku e sospechososnan a tira algu pafo di e outo, riba e ruta polis a bin haña i konfiská un arma di kandela.
Den e área di Kura Piedra polis a logra detené e sospechosonan.
Ta trata di e hòmbernan:
M.E.M.P. nasé na Kòrsou, di 22 aña di edat.
E.P. nasé na Kòrsou, di 21 aña di edat.
Z.R.N. nasé na Kòrsou, di 21 aña di edat.
J.C.R.L. nasé na Kòrsou, di 22 aña di edat.
Despues polis a tene un entrada hudisial na un kas den área di Stenen Koraal i a haña i konfiská 1 chaleko antibala.
A presentá e sospechosonan dilanti di un Fiskal Ouksiliar ku a ordená nan enkarselamentu pendiente di mas investigashon.

 

Advertisements
%d bloggers like this: