Advertisements

Gobiernu di Korsou ta rechasa e akto di destrukshon ku a tuma luga na Baoase Resort.

Gobiernu di Korsou ta rechasa e akto di destrukshon ku a tuma luga na Baoase Resort.

 

Willemstad – Gobiernu di Korsou ta lamenta loke a pasa na Baoase Resort, kaminda ku un grupo di manifestante a tuma  lei den nan mes man  i a basha porta abou i drenta den e propiedat.

Esaki a kondusi na un chaos den e resort bou di turistanan i empleadonan mayoria ta yunan di tera. Komo gobiernu nos ta lamenta inmensamente loke a tuma luga.
E tereno ku e porta kual a keda basha abou ta pone riba dje, i e tereno ku ta duna akseso pa yega na e laman ta trata tereno di e Resort basa riba derecho di erfpacht. Komo tal e akto di basha e porta abou i subi e tereno ta un akto ilegal. Gobiernu di Korsou ta hasi un yamada na komunidat pa huntu ku gobiernu kondena e tipo di aktonan aki kual ta daña e imagen di Korsou internashonalmente.

Nos ta enfatisa ku ora nos a tuma nota ku ta bai tin un manifestashon, nos a informa ku gobiernu no tin ningun problema pa ku e manifestashon, pero ku mester tene kuenta ku no ta permiti pa mishi ni tampoko destrui propiedat di otro.
Gobiernu lo aktua kontra di esnan ku a hasi nan mes kulpabel na instigashon i ku a komete e akto bochornoso aki. Ademas gobiernu a duna orden pa mesora pone e porta bek.

Gobiernu di Korsou ta spera ku e suseso aki ta keda na un insidente i no lo ripiti su mes mas.

 

Advertisements
%d bloggers like this: