Advertisements

KOMUNIKADO DI KUERPO POLISIAL KÒRSOU Detenshon di dos sospechoso.

KOMUNIKADO DI KUERPO POLISIAL KÒRSOU

342 / 2018

16 ougùstùs 2018

Detenshon di dos sospechoso.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

 

Djárason 15 di ougùstùs 2018, alrededor di 23.05 or, personal di tim di Mantenshon di Òrden Públiko durante nan patruya a kontrolá dos persona i un vehíkulo den área di Mari Pampun. Durante kontrol den e vehíkulo polis a haña i konfiská:
 Un arma di kandela;
 Dos mùts;
 Un bate di beisbòl;
 Kuater bala skèrpi;
 Telefòn selular;
 Dos paki di mariwana.
Relashoná ku esaki polis a detené na e sitio e hòmbernan, F.E.I. di 24 aña di edat, A.E.L. di 21 aña di edat, ámbos nasé na Kòrsou, komo sospechoso pa violashon di Lei di Arma di Kandela. Tambe polis a konfiská e vehíkulo pa mas investigashon.
Kontinuando ku e investigashon polis a tene entrada hudisial den dos kas den área di Koral Specht. Durante investigashon den e kasnan polis a haña i konfiská un lachi bashí di un arma di kandela.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.

 

Advertisements
%d bloggers like this: