Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KOMBIBENSIA KU HAYDEL GOILO

KOMBIBENSIA KU HAYDEL GOILO

 

Resientemente Prinses Wilhelmina Fonds tabata di bishita serka señor Haydel Goilo, kende ta sufri di kebrante di salú. Haydel no ta un deskonosí den nos komunidat. Haydel ta un persona  ku tur hende konosé komo un gran fotografó ku a elaborá durante hopi aña na e matutino Ultimo Noticia. Haydel banda di su trabao na Ultimo Noticia ta un bon amigu tambe di Prinses Wilhelmina Fonds. Durante último añanan Haydel a forma parti di e Klup di Domino “Piki Pieda” di Prinses Wilhelmina Fonds, kaminda tur djaluna mainta e ta bin hunga domino i rekreá su mes huntu ku demas miembronan di e gran famia di Prinses Wilhelmina Fonds.  Ademas di hunga domino, tambe Haydel tabata yuda den saka potrèt di e aktividatnan ku e organisashon tabatin. Sinembargo, último lunanan Haydel su salú a bai hopi atras i a bira hopi delikado.

Direktiva, boluntarionan i tur su amigunan di Prinses Wilhelmina Fonds ke deseá Haydel hopi forsa. Haydel, nos orashon i pensamentu ta kubo.

Bo Amigunan di Prinses Wilhelmina Fonds.

Advertisements
error: Content is protected !!
%d bloggers like this: