Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Orashon djarason 15 di ougustus 2018

Orashon djarason 15 di ougustus 2018

Un poko tempu despues Maria a sali purá, bai bishitá un sierto pueblo den e serunan di Hudea. Ora el a yega, el a drenta kas di Zakarías i kumindá Elisabèt. Na momento ku Elisabèt a tende e kumindamentu di Maria, e yu den su barika a bula. Elisabèt mes a keda yená ku Spiritu Santu. El a dal un gritu duru i bisa: ‘Dios a bendishoná bo mas ku tur muhé i bendishoná ta e yu ku bo ta karga den bo barika. Na kiko mi ta debe e honor ku mama di mi Señor ta bishitá mi? Tende, na momento ku bo a kumindá mi, e yu den mi barika a bula di legria. Felis ta esun ku a kere, ku loke Señor a bis’é, lo keda kumplí.’
Maria a bisa:
‘Di henter mi kurason mi ta alsa Señor, mi ta kontentu di mi alma ku Dios, mi Salbador. Pasobra El a mira ami, su sirbidó humilde, ku bon wowo.
For di awor tur generashon lo yama mi felis,
pa motibu di e kosnan grandi ku Dios poderoso a hasi pa mi.
Su nòmber ta santu!
E ta mustra esnan ku ta respet’É su mizerikòrdia,
generashon tras di generashon.
El a hisa su man poderoso
i a plama esnan orguyoso di kurason.
El a basha gobernante for di nan trono
i El a alsa e humildenan. El a duna esnan ku tin hamber kos bon na abundansia
i kore ku esnan riku, laga nan bai man bashí.
El a sali na yudansa di Israel, su sirbidó,
i no a lubidá di trat’é ku mizerikòrdia.
T’asina El a primintí nos antepasadonan,
i tur su futuro desendientenan.’
Maria a keda mas o ménos tres luna serka Elisabèt i despues el a bai kas bèk.
Lukas 1:39-56
Advertisements
error: Content is protected !!
%d bloggers like this: