Advertisements

MAYORNAN KORDA REGISTRA YUNAN PA TRANSPORTE ESKOLAR

MAYORNAN KORDA REGISTRA YUNAN PA TRANSPORTE ESKOLAR

Kralendijk – Manera semper Gobièrnu di Boneiru, atraves di Direktorado Komunidat i Kuido, ta traha kontinuamente riba mehorashon di e sistema di transporte eskolar.

Den nos afan pa duna un mihó servisio nos ta hasiendo ehersisionan konstantemente pa optimalisá esaki mas tantu posibel.

Den e kuadro aki nos ta bolbe hasi un apelashon na tur mayor di yu(nan) ku pa aña eskolar benidero (2018-2019) ke hasi uso di nos transporte eskolar pa registrá e yu(nan) na Direktorado Komunidat i Kuido, na kaya Neerlandia # 41.

Entretantu nos a konstatá ku e kantidat di nòmbernan registrá ta demasiado abou, kompará ku e realidat ku nos konosé basá riba nos eksperensia ku e nesesidat pa transporte eskolar di último añanan. P’esei nos a disidí di duna un par di dia mas pa por registrá, pues te ku djabièrnè 17 di ougùstùs 2018.

Pa e motibu aki pa delaster biaha nos ta urgí mayornan ku no a registrá nan yu(nan) ainda pa hasi esaki mas lihé posibel na e direkshon i e forma ariba menshoná.

Nos ke pone na bo konosementu ku nos no por garantisá transporte pa muchanan ku no ta registrá.  

Pa mas informashon tokante esaki por yama e number di telefon 717-2211.

Nos ta enfatisá ku esaki ta konta pa tur mayor ku ke bai hasi uso di transporte eskolar pa nan yu(nan) próksimo aña eskolar. Pues tambe esunnan ku ya kaba ta hasiendo uso di transporte eskolar.

Nos ta konfia di a informá bo sufisiente i ta konta ku bo kontribushon na bienestar di bo propio yu(nan).

 

Advertisements
%d bloggers like this: