Advertisements

KOMUNIKADO DI KUERPO POLISIAL KÒRSOU Detenshon pa ladronisia.

KOMUNIKADO DI KUERPO POLISIAL KÒRSOU
339 / 2018
14 ougùstùs 2018

Detenshon pa ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 14 di ougùstùs 2018, alrededor di 09.07 or, Sentral di Polis a dirigí un unidat polisial na un kas den área di Koral Specht pa un kaso di ladronisia ku ta tumando lugá.
Na yegada di e agentenan na e adrès menshoná, nan a tuma nota ku dos (2) hòmber sospechoso a sali kore for di e kas. Mesora e agentenan a kuminsa ku un persiguishon na pia i nan a logra di detené un di e sospechosonan den un mondi ku ta krusa ku Kaya Stila. Ta trata di e hòmber R.N.Z. nasé na Kòrsou, di 33 aña di edat.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.
Tambe polis a konfiská dos (2) vehíkulo ku probablemente ta di e sospechosonan pa mas investigashon.

 

Advertisements
%d bloggers like this: