Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Alejandro “Jandi” Paula, un eminensia ku a logra okupá funshonnan haltu den nos sosiedat i ku semper a sa di pone Kòrsou na promé lugá

Alejandro “Jandi” Paula, un eminensia ku a logra okupá funshonnan haltu den nos sosiedat i ku semper a sa di pone Kòrsou na promé lugá

Movementu Futuro Kòrsou (MFK) i su lider Gerrit Schotte ta konmoví ku e notisia ku ya Dòkter Yandhi Paula no ta huntu ku nos mas, ta toka na nos pa konformá ku boluntat di Dios i ta gradesido pa tur loke Yandhi a nifiká pa nos isla Kòrsou. Komo lider polítiko i eks promé minister mi tabatin e privilegio na algun okashon di por a interkambiá di opinion ku Yandhi,

Un yu di tera humilde ku a sa di surpasá bareranan pa e por a eduká i forma su mes i logra título i funshonnan hopi kotisá den mundu i den nos sosiedat. Pero semper humilde i di un forma trankil i sin ningun interes personal e tabata formulá su pensamentu riba temanan di importansia relashoná ku gobernashon, pero tambe enseñansa.

Mi kier gradisí Dios ku a duna mi e oportunidat ku for di mucha mi por a skucha di méritonan ku Yandhi tabata risibí i pa despues mi por a kompartí personalmente kuné.

Awe Yandhi no tei mas pero e enseñansa ku su persona a laga atras lo biba pa semper den nos i lo e wòrdu rekordá komo un gran yu di Kòrsou i un gran eks promé Minister i un dosente ku un konosementu amplio.

Ami Gerrit Schotte kier gradisí bo Yandhi pa tur loke bo a nifiká pa Kòrsou i ku lo bo sosegá na pas i mi ta deseá forsa na famianan ku e pèrdida sensibel aki.

Yandhi bo ta i lo bo keda den nos memoria komo un eminensia.

Kòrsou 14 di ougùstùs 2018

Lider di MFK

Gerrit F. Schotte

Advertisements
error: Content is protected !!
%d bloggers like this: