Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Reunion públiko riba funshonamentu di nos Demokrasia i debate riba e maneho en general di aktual Presidente di Parlamento i su forma di komuniká ku ta laga hopi di deseá durante di reunion nan interno

Reunion públiko riba funshonamentu di nos Demokrasia i debate riba e maneho en general di aktual Presidente di Parlamento i su forma di komuniká ku ta laga hopi di deseá durante di reunion nan interno

 

Willemstad, 14 di ougùstùs 2018

 

Na: Presidente di Parlamento

Señor  W. Millerson

Wilhelminaplein # 4

PRESENTE

 

Tópiko: Reunion públiko riba funshonamentu di nos Demokrasia, den

Parlamento i nos Reglamentu di Orden den praktiká i debate riba e maneho

en general di aktual Presidente di Parlamento i su forma di komuniká ku ta

laga hopi di deseá durante di reunion nan interno

 

Sr. Presidente,

 

Frakshon di Movementu Futuro Kòrsou (MFK), pa medio di diferente karta den pasado a hala Presidente di Parlamento su atenshon riba e forma di prosedé di su persona i tambe riba violashon di Reglamentu di Ordu di Parlamento na momentu di ehersé e funshon komo Presidente di Parlamento.

 

Demokrasia di Kòrsou no ta sirbi ora un Presidente di Parlamento ta hiba un maneho ku ta ser dirigí pa e gabinete ku ta na poder i reunionnan ta wòrdu plania segun e agènda polítiko di e ministernan sinta den Gobiernu i ta te ora duna e Presidente lus bèrdè reunion ta haña fecha pa wòrdu trata. No por ta asina ku ta violá artíkulo den Reglamento di Orden ku ta bisa ku mester yama un reunion den 14 dia, pa asina yuda laga temanan fèrfelu okashoná dor di desishon robes di Gobiernu keda sin wòrdu atendé i pa esakinan bai muri. Esaki ta un estorbo pa debatenan demokrátiko tuma lugá den Parlamento.

 

Kiko ta nifiká Parlamento;

 

  • The most common meaning of parliament refers to a country’s legislative (law-making) body. England’s parliament is very famous. The word comes in part from the French verb parler, which means to speak, which makes sense since this group of people assemble to talk about laws and issues.

Ki sentido tin di papia di Demokrasia, miéntras ku Parlamento no ta funshoná, debí ku ta un grupito di 9 minister huntu ku 12 Parlamentario ta disidí ki dia por papia di un tema si òf no?

Presidente di Parlamento mester aktua konforme Reglamentu di Ordu di Parlamento, artíkulo 7 di RvO ta indiká e tareanan prinsipal di e Presidente di Parlamento i mester trata tur 21 miembro igual i sin tene kuenta ta di kua frakshon ken ta i si e frakshon ta sostené gobiernu si òf no.

Resientemente komo miembro di komishon doméstiko lider di Frakshon di MFK a pidi Griffier di Parlamento un splikashon riba un proseso ku ta andando i Presidente di Staten a reakshoná pa medio di un e-mail na e lider di frakshon den un tono sumamente arogante indikando ku un “One Monkey Don’t Stop the Show”, faltando rèspèt, usando un vokabulario kompletamente robes.

Pa e motibunan ariba menshoná, Frakshon di MFK ta pidi Presidente di Parlamento pa yama un reunion públiko konforme artíkulo 64 di nos Reglamentu di Ordu riba e tópiko ariba menshoná, pa asina frakshonnan den Parlamento por haña klaridat riba Parlamento su funshonamentu i e ròl korekto ku un Presidente di Parlamento mester ehekutá ora e ta okupá e funshon di Presidente.

 

Atentamente,

________________                ________________                ________________

Gerrit Schotte                          Gilmar Pisas                             Jacinta Constacia

________________                ________________

Charles Cooper                        Gilbert Doran

Athunto : Korespondensia pa medio di e-mail fecha 30 di yüni 2018

 

Advertisements
error: Content is protected !!
%d bloggers like this: