Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Orashon djamars 14 di ougustus 2018

Orashon djamars 14 di ougustus 2018

Den e tempu ei, e disipelnan a aserká Hesus i bis’É: ‘Ken ta mas importante den reino di shelu?’ Hesus a yama un mucha chikí pon’é para meimei di nan, i bisa: ‘Mi ta sigurá boso: si boso no kambia bira manera mucha, boso lo no por drenta reino di Dios. Esun ku ta humilde manera e mucha akí, ta esun di mas importante den reino di Dios. I es ku risibí un mucha asin’akí den mi nòmber, ta risibí Mi mes.
Sòru pa boso no trata niun di e chikitunan akí ku menospresio. Un kos Mi por bisa boso: e angelnan ku ta enkargá ku nan, ta den presensia di mi Tata den shelu. Kiko ta boso opinion tokante lo siguiente. Suponé ku ún karné di un doño di shen karné pèrdè kaminda. E doño lo no laga e otro 99 karnénan den seru, pa e bai buska esun pèrdí? Mi ta sigurá boso: lo e ta mas kontentu ku esun ei, ora e hañ’é, ku e ta ku e 99 karnénan ku no a pèrdè kaminda. Meskos asina, boluntat di boso Tata den shelu ta, pa ningun di e chikitunan akí no bai pèrdí.
Mateo 18:1-5, 10, 12-14
Advertisements
error: Content is protected !!
%d bloggers like this: