Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KOMUNIKADO DI KUERPO POLISIAL KÒRSOU Huida di menornan di edat

KOMUNIKADO DI KUERPO POLISIAL KÒRSOU

335 / 2018

13 ougùstùs 2018

Huida di menornan di edat

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Últimamente ku frekuensia, polis mester pidi komunidat koperashon pa búskeda di hóbennan, den nan mayoria muchanan muhé ku sea ta bai fo’i kas òf for di internat.
E hóbennan aki, despues di algun dia ta regresá kas bèk òf ta mèldu na e internat na unda nan ta keda.
E fenómeno kresiente aki, por tin komo konsekuensia, ku aki poko dia niun siudadano no ta preokupá mas ku e anunsio di búskeda aki.
I kisas nèt e momentu ei, ta registrá un kaso ku un hóben di bèrdat ta keda registrá komo pèrdí i ku posiblemente un kaso di lamentá.
Den kuadro di esei Kuerpo Polisial ke hasi un yamada riba prinsipalmente mayornan i tutornan di menornan di edat, pa papia ku e hóbennan aki, mustrando nan riba konsekuensianan di nan akto.
Hasi nan komprondé ki konsternashon nan baimentu for di kas òf kualke instituto ta trese pa komunidat, pero tambe e rísiko ku nan ta kore serka personanan mayor di edat ku ta hasi mal uso di nan huimentu.
E menornan aki mester komprondé ku nan ta kai bou di responsabilidat di nan mayor òf tutor i ku nan no ta pará independiente.
Di otro banda, nos ke informá i alertá e personanan mayor di edat ku ta tene e hóbennan menor aki bou di nan kustodia, sea ku pèrmit òf kontra nan boluntat, ku nan ta kometiendo un akto kontra di lei i ku nan por wòrdu detené pa esaki.
Resientemente tin dos sospechoso ku a keda detené kaba pa e echo ku nan tabata den kompania di un menor di edat.
Kuerpo Polisial i Ministerio Públiko ta tuma e kasonan aki hopi na serio i ta aktua debidamente i al instante kontra di esnan ku hasi nan mes kulpabel na esaki.

 

Advertisements
error: Content is protected !!
%d bloggers like this: