Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KOMUNIKADO DI KUERPO POLISIAL KÒRSOU Detenshon pa maltrato, menasa i violashon di e Lei di Arma di Kandela.

KOMUNIKADO DI KUERPO POLISIAL KÒRSOU
333 / 2018
12 ougùstùs 2018

Detenshon pa maltrato, menasa i violashon di e Lei di Arma di Kandela.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 12 di ougùstùs 2018, alrededor di 08.00 or, Sentral di Polis a dirigí un patruya di polis na un kas den área di Gibraltar pa un problema familiar i ku un di e partidonan ta den posishon di un arma di kandela. For di un investigashon ku polis a hasi na e sitio a resultá ku un yu hòmber mester a menasá su ruman muhé ku un arma di kandela. Dado momento un otro ruman hòmber mester a bringa ku su ruman ku tabatin e arma di kandela. E ruman ku e arma a maltratá su ruman hòmber ku e arma bou di su wowo, ku tabata sangrando. Despues di su akto e ruman hòmber aki a bai skonde e arma di kandela.
En konekshon ku e menasa, maltrato i violashon di e Lei di Arma di kandela, polis a detené e hòmber R.K. nasé na Kòrsou di 28 aña di edat.
Siguiendo ku e investigashon i un búskeda na e kas e agentenan a haña i konfiská un pistol ‘Glock’.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.

Advertisements
error: Content is protected !!
%d bloggers like this: