Advertisements

Orashon djadumingu 12 di ougustus 2018

Orashon djadumingu 12 di ougustus 2018

E pueblo a kuminsá murmurá kontra Hesus, pasobra El a bisa: ‘Ami ta e pan ku a baha for di shelu!’ P’esei nan tabata komentá: ‘Ma n’ ta Hesus, yu di Hosé, esei? Nos no konosé su mama i su tata? Pakiko e ta pretendé anto ku el a baha for di shelu?’ Hesus a kontestá nan: ‘Basta murmurá entre boso. Niun hende no por bini serka Mi, si mi Tata ku a manda Mi no hal’é serka Mi; anto Ami lo lant’é for di morto riba e último dia. Ta skibí den buki di e profetanan: “Dios lo siña tur hende.” Tur ku a skucha Tata i siña di djE ta bini serka Mi. No ku niun hende a yega di mira Tata; ta solamente Esun ku ta bini di Dios a mira Tata. Mi ta sigurá boso: esun ku kere, tin bida eterno. Ami ta e pan ku ta duna bida!
Boso antepasadonan a kome mana den desierto i nan a muri! Ma esaki ta e pan ku ta baha for di shelu; si un hende kome for di dje, e no ta muri. Ami ta e pan bibu ku a baha for di shelu. Si un hende kome e pan akí, e ta biba pa semper. E pan ku Ami lo duna ta mi mes karni, ku Mi ta duna pa mundu haña bida!’
Advertisements
%d bloggers like this: