Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Doran – MFK: Gabinete Rhuggenaath i sra. Alcala-Walle a lográ nan meta, FFEFIK ku apénas trinta i seis (36) inskripshon pa e aña eskolar 2018-2019, normalmente tin entre 200-250 inskripshon nobo kada aña eskolar

Gabinete Rhuggenaath i sra. Alcala-Walle a lográ nan meta, FFEFIK ku apénas trinta i seis (36) inskripshon pa e aña eskolar 2018-2019, normalmente tin entre 200-250 inskripshon nobo kada aña eskolar

 

Esaki despues di Minister Alcala-Walle i gabinete Rhuggenaath su kampaña publisitario negativo ku a kuminsá 15 luna pasá, pa asina logra sera FFEFIK

 

Kòrsou, 12 di ougùstùs 2018

 

Kon por ta ku Gobièrno di PAR-MAN i PIN ta husa imagenan falsu pa propagá un skol di fishi nobo, mientras ku niun klas no ta manera ilustrá den e propaganda i programa di e Ministerio pasando pa Pueblo tuma nota di esaki. Ya pa algun tempu kaba tin diskushon fuerte i te asta tabatin manifestashon i akshon pa mantené Kòrsou su úniko skol di fishi habri, despues ku a sera LTS nan na añanan 90, pero ta parse ku tur esakinan tabata akshonnan enbano.

 

Pero e echo ku mayornan i hóbennan no ta kere den e futuro di e instituto aki mas awe ta e prueba kontundente kon gabinete Rhuggenaath a logra tòg pa sera FEFFIK;

 

  1. Na último momento a disidí pa mantene FFEFIK pa un hóben por inskribí na FEFFIK, esaki ta mas tarda djaluna 13 di ougùstùs 2018.
  2. Mayornan mester paga e montante di 650,= florin mesora pa e yu por kuminsá e aña eskolar i no por apliká riba enseñansa liber i no tin posibilidat pa drenta niun areglo di pago.
  3. E intenshon di Minister Alcala-Walle i gabinete Rhuggenaath i tambe di Diálogo Demokrátiko/Nashonal pa sera FEFFIK, ta pone un insiguridat riba futuro di e hóbennan ku kier kontinuá ku nan enseñansa na FEFFIK, (niun hende no ta kuminsá un estudio pa despues wòrdu interumpí den esaki).

Tur esakinan ta kondishonnan ku e Minister di enseñansa i gabinete Rhuggenaath a sòru pe, pa asina e interes den FFEFIK awe a bira praktikamente nulo.

 

Mayornan no tin sufisiente informashon di kiko lo bai pasa ku e aña eskolar benidero na FEFFIK i tampoko kiko lo pasa ku nan yunan si dado kaso nan no lo logra sera e sèn pa paga skol djaluna awor. Tur esaki ta hasi ku praktikamente no tin interes di mayor i hóbennan pa inskribí nan mes na FFEFIK i esaki lo ta konsekuensia ku Kòrsou lo bai konta ku mas dropout den futuro.

 

Nos no por yega na otro konklushon ku hinter e asuntu pa sera FEFFIK tabata hasi “Met Voorbedachte Rade” pa asina gabinete Rhuggenaath logra nan meta i asina kontinuá ku nan plan di sera FEFFIK i bin ku un skol nobo (Plan di un grupo djafó pa tuma over) i komo transishon un “tussenstap” ku lo no bai ta na e mes un nivel ku FEFFIK tabata i esaki ku apoyo di tur esnan ku a i ta partisipá den diálogo demokrátiko/nashonal.

 

  • Frakshon di MFK tin gana di sa ta ki dia ta duna nos studiantenan prioridat i ta pone hende sentral den gobernashon di pais Kòrsou?
  • Ta kiko ta mas importante, e studiante òf plannan ku ta perhudiká nos sistema di enseñansa?

 

  • Ningun instansia no por duna nos informashon ku trabounan ya ta tumando lugá pa e skol nobo aki ta operashonal pe aña eskolar ku ta kuminsá otro siman. Si e skol nobo aki no keda kla e studiantenan lo tin ku keda kas o bai sigui un otro curriculum na supuesto fasilidat na Nilda Pinto School?

 

Ki konfushon, instabilidat i mal maneho ta reina den nos sektor di enseñansa, ku ta e pilar di mas importante kual mester karga futuro di nos hóbennan i di nos Kòrsou, esaki ta Tristu i ta sigui kue mas forsa tur dia.

 

 

 

Atentamente,

Gilbert Doran

Miembro di Parlamento (MFK)

Advertisements
error: Content is protected !!
%d bloggers like this: