Advertisements

FFK KU HOMENAHE NA NOS KAMPIONNAN DI SENIOR LEAGUE DURANTE NOS DELASTER ENKUENTRO DI E TORNEO DI CFU U-14! JAIDO TAMBE LO PRESENTÁ DIA 12 DI OUGÙSTÙS PRÓKSIMO!

FFK KU HOMENAHE NA NOS KAMPIONNAN DI SENIOR LEAGUE DURANTE NOS DELASTER ENKUENTRO DI E TORNEO DI CFU U-14!

JAIDO TAMBE LO PRESENTÁ DIA 12 DI OUGÙSTÙS PRÓKSIMO!

 

Tur kos ta kla pa nos selekshon nashonal kategoria U-14 topa Trinidad & Tobago durante nan último kompromiso di e torneo di CFU U-14. Nos selekshon ku 7 punto, ta enfrentá Trinidad & Tobago ku 9 punto, djadumingu 12 di ougùstùs pa 6’or di atardi den Stadion Ergilio Hato.

Guyana lo topa Aruba pa 4’or di atardi durante e promé enkuentro di djadumingu. Despues di e wega aki lo tin presentashon di Jaido ku lo bin basha algun di su hitnan pa tur ku tei presente por disfrutá. Mas despues FFK lo homenagiá nos ekipo di senior league,

e kampionnan di mundu! Pues lo tin bon músika ku diferente aktividat i sorpresa durante nos último enkuentro ku ta tuma lugá djadumingu aki!

Nòrmal e karchinan di e torneo aki ta optenibel na e lokètnan di SDK for di 3’or di atardi i ta na balor di fl.10,- pa adulto pa ámbos wega miéntras un partido ta kosta fl.5,-.

Pero pa e delaster partido aki nos lo tin un ‘gimmick’. Djasabra 11 di ougùstùs tur ku presentá entre 9’or di mainta ku 12’or di mèrdia na Radio Krioyo ta kumpra 1 karchi i haña e otro kompletamente grátis!

Muchanan di 6 pa 14 aña ku 60+ ta paga solamente fl.5,- pa ámbos partido i fl.2.50 un wega.

Miembro nan di FFK ku ta militá den nos kampionato hubenil te ku kategoria U-15 ta drenta ku nan karnètnan di wega.

Durante e promé partido di awe, Trinidad & Tobago a gana Aruba ku e skordi 3-1 i despues Guyana a gana Boneiru ku e skor di 4-1.

 

Resultadonan di e torneo di CFU U-14:

 

Fecha Resultado Tim di kas Bishitante Stadion
4 oug.18 0-8 Guyana Trinidad & Tobago Stadion Ergilio Hato
2-0 Kòrsou Boneiru Stadion Ergilio Hato
6 oug.18 11-1 Trinidad & Tobago Boneiru Stadion Ergilio Hato
0-0 Kòrsou Aruba Stadion Ergilio Hato
8 oug.18 1-2 Boneiru Aruba Stadion Ergilio Hato
4-0 Kòrsou Guyana Stadion Ergilio Hato
10 oug.18 1-3 Aruba Trinidad & Tobago Stadion Ergilio Hato
5-1 Guyana Boneiru Stadion Ergilio Hato

 

 

Skema di e torneo di CFU U-14:

Fecha Orario Tim di kas Bishitante Stadion
12 oug.18 4:00 pm Guyana Aruba Stadion Ergilio Hato
  6:00 pm Kòrsou Trinidad & Tobago Stadion Ergilio Hato

 

Manera ya nos a bin ta avisá den transkurso di dianan, nos selekshon nashonal kategoria U-14 ta konsistí di un grupo di 18 hungadó ku ta wòrdu dirihí pa Sr. Germain Ignacius ku ta e entrenadó di nos selekshon i Sr. Mayron Martis ku ta e asistente di e entrenadó.

Sr. Sherwin Inesia ta e masahista di nos selekshon miéntras Sr. Roderick Rojer ta esun enkargá ku nos materialnan i e hefe di delegashon ta Sr. Hubert Isenia, miembro di direktiva di FFK.

 

Nos selekshon nashonal U-14 ta konsistí di e siguiente hungadónan:

 

  1. Zaïn Virginia
  2. Leonardo de Lira
  3. Keanu Zichem
  4. Rensver Juliana
  5. Reuel Martina
  6. Yesías Ignacius
  7. Melbourne Marques Ricardo
  8. Jaeve Elshot
  9. Joshua Rosaria
  10. Juvensli Wallé
  11. Gunther Granviel
  12. Eduardiño Perez Feliz
  13. Dayron Boelijn
  14. Rayhim Inesia
  15. Quihaindri Bibiana
  16. Yeremai Inees
  17. Shedrion Mathilda
  18. Rayden Winklaar

Bin na bòshi bin apoyá i sostené nos muchanan durante nan último enkuentro kontra Trinidad & Tobago! Nos selekshon nashonal U-14 tei, nos kampionnan di senior league tei, Jaido tambe tei…pues ta abo so falta!

Probechá kumpra bo karchi adelantá durante e tremendo ‘gimmick’ aki!

Nos ta topa djadumingu aki den Stadion Ergilio Hato!

10 ougùstùs 2018

 

Advertisements
error: Content is protected !!
%d bloggers like this: