Advertisements

Prinses Wilhelmina Fonds ta bai organisá Seshonnan Kulinario pa Klientenan di Kanser

Prinses Wilhelmina Fonds ta bai organisá Seshonnan Kulinario pa Klientenan di Kanser

Stichting Prinses Wilhelmina Fonds próksimamente ta bai inisia un seshon speshal ku lo enfoká riba partinan informativo i práktiko di aktividatnan kulinario. E seshonnan aki ta speshal pa klientenan di Prinses Wilhelmina Fonds ku ta deseá di haña konseho riba tereno di alimentashon orgániko. Durante e seshonnan aki e partisipantenan lo risibí informashon básiko kon pa prepará alimentonan orgániko i tambe lo pone atenshon kon pa hasi kompra mas konsiente.  Lo tin posibilidat pa purba diferente alimento.

E seshon nan lo wòrdu dirigí pa señor Reinald Leito. Tambe lo ta presente un trahadó sosial di Prinses Wilhelmina Fonds pa duna sostén i  kontestá  riba eventual preguntanan ku por tin. Lo tin 4 seshon. Durante kada seshon lo trata un tópiko diferente.

E fechanan di e seshonan ta lo siguiente:

  • Djasabra : 18 di ougùstùs, 25 di ougùstùs, 8 di sèptèmber i 15 di sèptèmber

Orario             : 2’or di mèrdia pa 4.30’or di atardi;

Lugá                : Ofisina di Prinses Wilhelmina Fonds na Scharlooweg 52

E konekshon ku e kantidat di lugá disponibel ta nesesario pa registrá pa por partisipá. Por konfirmá bo partisipashon na number di telefòn 461-1998, durante oranan di ofisina, di djaluna pa djabièrnè entre 8’or di mainta pa 12’or di mèrdia i di 1’or di mèrdia pa 4’or di atardi. Tene kuenta ku e partisipashon na e seshonnan aki ta eksklusivamente pa klientenan di kanser registrá na Prinses Wilhelmina Fonds òf un miembro di famia. E seshonnan ta grátis.

Bo ta un kliente di Prinses Wihlemina Fonds, registrá awe mes.

 

Advertisements
%d bloggers like this: