Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KOMUNIKADO DI KUERPO POLISIAL KÒRSOU Dos detenshon pa ladronisia ku violensia.

KOMUNIKADO DI KUERPO POLISIAL KÒRSOU
331 / 2018
10 ougùstùs 2018

Dos detenshon pa ladronisia ku violensia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku dos (2) kaso di ladronisia ku violensia kometé dia 13 di yüli 2018, den área di Koral Specht i besindario, polis a detené dos (2) sospechoso. E ladronisia ku violensia aki a tuma lugá respektivamente; riba un shofùr di bus i na un snèk.
Djabièrnè 10 di ougùstùs 2018 alrededor di 05.15 or di mardugá, polis a detené na un kas den área di Koral Specht:
 e hòmber A.F.D. nasé na Kòrsou di 20 aña edat i
 e hende muhé E.B.C.K. nasé na Kòrsou di 19 aña di edat,
komo sospechoso den e kaso ariba menshoná. Siguiendo ku e investigashon e agentenan a tene entrada hudisial na e kas menshoná i a konfikská artíkulonan ku ta di importansia pa e investigashon.
A presentá e duo dilanti di un Fiskal Ouksiliar ku a ordená nan enkarselamentu pendiente di mas investigashon.

Advertisements
error: Content is protected !!
%d bloggers like this: