Advertisements

KOMUNIKADO DI  KUERPO POLISIAL KÒRSOU Detenshon pa violashon di Lei di Arma di Kandela i lei di opio.

KOMUNIKADO DI  KUERPO POLISIAL KÒRSOU
330 / 2018
10 ougùstùs 2018

Detenshon pa violashon di Lei di Arma di Kandela i lei di opio.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 10 di ougùstùs 2018, alrededor di 06.00 or di mainta, personal di “Unit Speciale Taken” U.S.T. a tene un entrada hudisial na un kas den área di Ronde Klip en konekshon ku violashon di lei di arma di kandela i lei di opio. Na e sitio polis a haña i konfiská;  gran kantidat di mariwana  1 rifel kombertí den kaliber 22 i 20 bala skèrpi Na un otro sitio polis a haña i konfiská;  1 pistol kaliber 38  5 bala skèrpi.  1 huls Den un mondi den bisindario polis a bin topa ku un plantashon grandi di 460 planchi mariwana ku a keda konfiská. Tambe polis a haña i konfiská 2 rifel.
Relashoná ku esaki a detené 4 hòmber, D.J.M.C., di 26 aña di edat, A.J.A.Z., di 26 aña di edat, I.A.V.C. di 21 aña di edat, C.J.P.N. di 21 aña di edat, tur di nashonalidat Venezolano pa violashon di lei di arma di kandela i lei di opio. Dos dama i un hòmber ku no tabata tin nan dokumentunan nesesario pa por permanesé riba nos isla, a keda trasladá pa Departamento di Imigrashon pendiente nan deportashon.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.

 

 

 

Advertisements
%d bloggers like this: