Advertisements

FFK KU HOMENAHE NA NOS KAMPIONNAN DI SENIOR LEAGUE DURANTE NOS DELASTER ENKUENTRO DI E TORNEO DI CFU U-14! JAIDO TAMBE LO PRESENTÁ DIA 12 DI OUGÙSTÙS PRÓKSIMO!

FFK KU HOMENAHE NA NOS KAMPIONNAN DI SENIOR LEAGUE DURANTE NOS DELASTER ENKUENTRO DI E TORNEO DI CFU U-14!

JAIDO TAMBE LO PRESENTÁ DIA 12 DI OUGÙSTÙS PRÓKSIMO!

Despues ku nos selekshon nashonal kategoria U-14 a hunga su di 3 partido di e torneo aki, nos a logra akumulá un total di 7 punto. Esaki despues di 2 viktoria ku un empate. Awor nos ta kla pa enfrentá e fuerte ekipo di Trinidad & Tobago, ku tin 9 punto, durante nos último kompromiso di e torneo aki.

Esaki lo tuma lugá djadumingu 12 di ougùstùs pa 6’or di atardi, den Stadion Ergilio Hato.

Despues di e promé enkuentro di djadumingu nos lo tin presentashon di Jaido ku lo bin basha algun di su hitnan pa tur ku tei presente por disfrutá. Mas despues FFK lo homenagiá nos ekipo di senior league, e kampionnan di mundu! Pues lo tin bon músika, diferente aktividat i sorpresa durante nos último enkuentro ku ta tuma lugá djadumingu próksimo!

Kòrda ku mañan, 10 di ougùstùs nos selekshon ta liber pero si lo tin e 2 partidonan, 4’or ku 6’or, di e otro paisnan partisipante.

 

Nòrmal e karchinan di e torneo aki ta optenibel na e lokètnan di SDK for di 3’or di atardi i ta na balor di fl.10,- pa adulto pa ámbos wega miéntras un partido ta kosta fl.5,-.

Pero pa e delaster partido aki nos lo tin un ‘gimmick’. Djasabra 11 di ougùstùs tur ku presentá entre 9’or di mainta ku 12’or di mèrdia na Radio Krioyo ta kumpra 1 karchi i haña e otro kompletamente grátis!

 

Nos selekshon nashonal U-14 tei, nos kampionnan di senior league tei, Jaido tambe tei…pues ta abo so falta! Probecha i kumpra bo karchi adelantá durante e ‘gimmick’ aki pa bo bin apoyá i sostené nos muchanan!

 

Nos ta topa djadumingu aki den Stadion Ergilio Hato!

Advertisements
error: Content is protected !!
%d bloggers like this: