Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Si dado kaso resultá ku mester di un partner stratégiko, Refineria Isla lo por ta dispuesto na hasi un evaluashon di e faktibilidat tékniko. Mester di informashon konkreto riba entre otro tipo i kantidat di krudo .

Si dado kaso resultá ku mester di un partner stratégiko, Refineria Isla lo por ta dispuesto na hasi un evaluashon di e faktibilidat tékniko. Mester di informashon konkreto riba entre otro tipo i kantidat di krudo 

 

Awe 9 di ougùstùs 2018 parti mainta, riba petishon di Refineria di Kòrsou, un ekipo di Refineria Isla enkabesá pa direktora señora Vanessa Flores, a reuní ku un delegashon di Refineria di Kòrsou.

E reunion a tuma lugá na Refineria Isla i por bisa ku esaki a tuma lugá den un esfera positivo i konstruktivo. Konkretamente a diskutí dos tema.

Partner stratégiko

Refineria di Kòrsou durante e reunion a informá Refineria Isla ku nan tin un kantidat di eventual partner stratégiko ku lo ta dispuesto di agregá nan mes na e relashon ku ta eksistí aktualmente entre Refineria Isla i Refineria di Kòrsou.

Refineria Isla di su banda a trese dilanti di ta dispuesto na hasi un evaluashon di e faktibilidat tékniko na momento ku tin informashon konkreto riba entre otro e tipo di krudo i e kantidat disponibel. Pa loke ta trata e evaluashon di e aspektonan kontraktual i toma di desishon, Refineria Isla a referí Refineria di Kòrsou na outoridatnan di PDVSA na Venezuela.

Suministro di utilidat

Durante di e reunion Refineria Isla a reitirá e importansia pa por tin garantia di generashon i suministro kontinuo i konfiabel di airu komprimí, koriente, awa i stom. Manera ya ta konosí, sin e utilidatnan menshoná, ni Refineria Isla ni ningun otro operador por prosesá krudo na un manera konfiabel i ekonómikamente viabel.

Promé ku por yega na palabrashon tokante kon eventualmente lo por inkorporá un eventual partner stratégiko, mester tin palabrashonnan konkreto tokante e fecha riba kual e planta di utilidat, CRU/BOO, lo por operá bèk di un manera optimal. A yega e momento pa tuma desishon kon ta bai hasi e invershonnan neserario pa pone CRU/BOO bèk den kondishon optimal di operashon.

Pa por operá na nivel di karga optimal, e refineria mester por konta ku kapasidat di produktividat máksimo di parti di CRU/BOO. Utilidat simplemente ta e kurason di tur refineria i pa e motibu ei, ta sumamente importante pa kontinuidat di Refineria Isla ku òf sin un eventual partner stratégiko.

Faktor humano

A para ketu tambe na e faktor humano di e proseso ku ta tumando lugá. A bini dilanti ku tin prekupashon pa stabilidat i ku esaki por ta impaktando motivashon di personal.

Refineria Isla a trese dilanti ku no tin kambio den e maneho di rekurso humano i ku entre otro aktualmente mes tin 28 studiante ku ta asistiendo skol  vokashonal di Refineria Isla ku mira riba Refineria Isla su deseo i intenshon pa sigui ku operashon di e refineria.

Despues di a kompletá nan estudio na e skol vokashonal, e aña aki na luna di yüni, 8 operator a drenta servisio di Refineria Isla. Meskos tambe na luna yüli 12 mekániko a drenta servisio. Konforme planifikashon, na luna di november próksimo, 16 operator mas lo drenta servisio di Refineria Isla.

 

Departamentu di Relashon Públiko

Refineria Isla Curaçao B.V.

Djaweps 9 di ougùstùs 2018

www.refineriaisla.com

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: