Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KOMUNIKADO DI KUERPO POLISIAL KÒRSOU Trabounan di Tim di Mantenshon di Òrdu.

KOMUNIKADO DI KUERPO POLISIAL KÒRSOU
329 / 2018
9 ougùstùs 2018

Trabounan di Tim di Mantenshon di Òrdu.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Resientemente e Tim di Mantenshon di Òrdu di Kuerpo Polisial Kòrsou a keda reforsá pa
kumpli ku tareanan netamente pa kombatí aktonan ilegal riba nos isla.
E Tim aki ta sali kaya diariamente i ta pone hopi atenshon riba krímennan ku tin un impakto
grandi i di molèster den nos sosiedat.
E ta konsentrá riba prevenshon di echonan kastigabel pero ta aktua di forma represivo na
momentu ku esei ta nesesario.
Den lunanan ku ta tras di lomba, e tim aki a sòru pa mas visibilidat polisial riba kaya i tabata
respondé inmediatamente riba insidentenan.
Di e manera aki tabata logra hasi hopi detenshon práktikamente al instante.
Pa mantené i sigui oumentá e trankilidat aki, tabata nesesario pa reforsá e tim aki ku a keda
enkargá ku kòntròlnan hopi dirigí.
Na mes momentu, polisnan últimamente ta konstatá un tendensia kresiente di agreshon
tantu verbal komo físiko kontra di nan, na momentu ku nan ta ehersé nan trabou.
Ku sierto regularidat palabranan di menasa i ofensa ta kai den direkshon di miembronan di
kuerpo polisial i tin asta siudadanonan ku ta bai dje leu ei ku ta bringa ku polis.
Polis tin un responsabilidat grandi i serio na komunidat miéntras komunidat ta konfia den
un kuerpo íntegro, ehemplar i ku ta demostrá rèspèt.
Ta ku e mensahe ei tambe e polis ta subi kaya pa hasi su trabou ku honor pero tambe ku
determinashon.
Di otro banda, polis ta spera tur kolaborashon di komunidat, pa traha i yuda hasi di e pais
aki unu ‘bibabel’ pa nos tur. Bou di ningun sirkunstansia agentenan polisial ku ta yamá pa protekshon i seguridat di tursiudadano, lo sinti nan mes intimidá ni lo basilá pa aktua ku man duru pa logra establesé òrdu i trankilidat serka esnan ku no ke aportá na esaki.
Kuerpo Polisial ta konta ku koperashon di tur hende durante di e kòntròlnan ku tin komo
meta, pa abo siudadano por biba trankil i sinti bo bon protehá.

Advertisements
error: Content is protected !!
%d bloggers like this: