Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Temporalmente barkunan di fruta lo sigui stashoná na Kleine Werf

Temporalmente barkunan di fruta lo sigui stashoná na Kleine Werf

 

WILLEMSTAD- Ministerio di Desaroyo Ekonómiko (MEO) ta informá ku pronto e barkunan di fruta lo yega bek nos isla. Sinembargo ora ta asina leu nan lo bolbe stashoná temporalmente na kleine werf en espera pa kaba ku trabounan di renobashon na Sha Caprileskade.

 

Na luna di yüni di e aña aki a inisiá renobashon di e lokalidat na unda e barkunan di fruta tabata situá na Sha Caprileskade. Esaki teniendo kuenta ku den pasado e mantenshon di e área no a sosodé manera debe ser i komo konsekuensia di esaki aspektonan di higiena i seguridat rondó di e waf inevitablemente a deteriorá.

Den e lunanan tras di lomba pueblo ya por a kuminsá tuma nota di e trabounan ku ta tumando lugá pa asina duna e waf un kara nobo; mas limpi i muchu mas plasentero. Sinembargo promé ku e barkunan di fruta por bolbe na e sitio, ta e palabrashon ku Servisio pa Obranan Públiko (DOW) lo sòru pa pone mosaiko riba e toonbanknan. E mosaiko no solamente lo hasi pa e sitio ta mas presentabel i nechi pa bista pero tambe lo keda poné pa motibunan higiéniko. E mosaikonan ya ta na kaminda for di eksterior pero pa motibunan fuera di nos alkanse esakinan no a yega Kòrsou ainda. Esaki pues ta trese kuné ku lo no alkansá pa e barkunan ta bek na Sha Capriles riba e fecha ku anteriormente a keda anunsiá.

Ta un echo ku ousensia di e barkunan na Sha Caprileskade sigur ta krea un bashí den e bida i koló ku nos a kustumbrá kuné kantu di e waf. Pa e motibu aki ta e intenshon pa konhuntamente hasi tur loke ta na nos alkanse pa finalisá renobashon di e lokalidat mas pronto posibel di moda ku e merkado flotante por ta bek na e sitio kustumbrá. Mientrastantu e barkunan lo regresá i lo bolbe mara temporalmente na Kleine Werf en espera pa trabounan keda kla na Sha Caprileskade. Asina ku e mosaikonan yega, Servisio pa Obranan Públiko lo sòru pa esakinan keda pega riba e toonbanknan. No por duna fecha konkreto ainda ki dia e barkunan di fruta lo bolbe bek na e waf di Sha Capriles. Pero sigur lo hasi tur loke ta na nos alkanse pa esaki sosodé pronto.

Advertisements
error: Content is protected !!
%d bloggers like this: