Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

“NO BIRA LOMBA” MARKANDO SU NÒMBER.”

“NO BIRA LOMBA” MARKANDO SU NÒMBER.”

 

WILLEMSTAD — Den apénas 1 siman ku e piesa “No bira lomba” di Orkesta Karimbó ta riba merkado, ya e ta markando su   number.

Segun  komentario,  tin 2  D.J. ku no ta muchu kontentu ku te ainda nan no a haña un kopia di e piesa direktamente for di Karimbó mes. Kon ku bai bin ya “No bira lomba” ta den diskushon.

No únikamente pa su melodia ku ta hibabo, sino tambe pa su letra simpel,  bon skohé i mensahe positivo i di ánimo. Ta bon pa paga tinu riba esaki.

” No bira lomba” a keda grabá den studio di Djego Paula. E músikonan ku a graba ta pa tròmpèt Norman Kooks i Shurendi La Cruz. Pa trombon Axel Concencion i Giovanni Atalita. Pa ritmo Broer Reigina. Pa piano Enrico Henriquez. Pa bas Papi Susanna. Pa tres Fels Susanna.

E kordinashon general tabata den man di Axel Concencion. Areglo básiko pa tròmpèt i trombon ta di Wini Poulo.  Areglo adaptá i spesífiko ta di Axel Concencion. E komposishon di letra i melodia tabata den man di Wini Poulo, ku ta e kantante.

Tin un kantidat di 200 c.d. ku esnan ku ta interesá por haña grátis serka Wendell Martis, òf via un di e integrantenan di Kaimbó.

Ta bala pena skucha “No bira lomba” i hasi loke e palabranan ta bisa. Un biaha mas Kòrsou tin un komposishon nobo. Éksito na e otro banda músikanan ku a kuminsá trein ” No bira lomba.”

Atentamente

Orkesta Karimbo

Advertisements
error: Content is protected !!
%d bloggers like this: