Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Kòrsou ta di hubilo: PIN ta felisitá nos kampeonan di senior league ku nan títutlo di Kampion Mundial!

PIN ta felisitá nos kampeonan di senior league ku nan títutlo di Kampion Mundial!

Kòrsou ta di húbilo: Ban risibi nos kampeonan mundial masalmente

 

Willemstad – 5 ougustus 2018 Ayera nochi henter Kòrsou tabata pendiente pa resultado di e kompetensia di Senior League kontra di Delaware, USA. Nos tabata komodo despues di a titulá kampion internashonal i nos a finalisa Kampion despues di un hungada barbaro di nos hobennan.

Korsou ta orguyoso di e hazaña aki. Nos tin talento i den Baseball nos ta kampion mundial! Awor mas ku nunka tin ku desaroyá un maneho dirigí riba kapturá i konservá e talento aki i realisá kosnan grandi riba tereno di deporte pa Kòrsou. Nos mester respaldá nos organisashonan di deporte, fasilita infrastruktura pa deporte i kombina deporte ku edukashon. Asina nos ta logra hendenan desaroyá, útil i kapasitá den nos komunidat.

Kon nos por duna deporte un empuhe?

Partido Inovashon Nashonal for di prinsipio a proponé den su manifesto pa pone enfasis riba deporte komo un instrumento di desaroyo di nos hendenan. Deporte pa fomentá un pueblo salú i deporte pa stimulá un pueblo desaroyá.

  • Desaroyo di un maneho di deporte integral, kaminda ta profeshonalisá e apoyo i orientashon ta (e.o. entrenadónan) sentral
  • Traha lasonan ku federashonnan di deporte internashonal den kuadro di interkambio di konesementu, inkluyendo organisashonnan di deporte na Hulanda
  • Invertí den fasilidatnan deportivo kaminda standartnan internashonal ta konta komo

norma

  • Integrashon di algun aktividat deportivo den skolnan públiko
  • Merkadiá talento i deporte
  • Promové Kòrsou komo lugá di deporte
  • Apoyo profeshonal di talentonan
  • Fleksibilisá e eksigensianan pa bira dosente di deporte
  • Estabelesé un akademia di deporte
  • Krea i promové “She-Hero’s”
  • Apoyá SDDK ku su plan pa atraé deportista internashonal trein na Kòrsou (Mensana).

Si nos ke nos por. Talento nos tin, nos hobennan di Senior League, nos talentonan den Major League na Merka i tur deportista ku ta destakando tantu lokal komo internashonalmente a demostrá esaki kaba. Ban hibe un nivel mas haltu.

Pabien na tim, coach, mayornan, sponsernan i tur ku a sostené nos tim! Biba Kòrsou! PIN ta Orguyoso sin fin!!!!!

 

Advertisements
error: Content is protected !!
%d bloggers like this: