Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Eugene Rhuggenaath splika Kòrsou kiko ta “proyekto Arawak” anto kon ta para ku futuro di refineria!

Eugene Rhuggenaath splika Kòrsou kiko ta “proyekto Arawak” anto kon ta para ku futuro di refineria!

 

Un Promé Minister ku ta skonde pa duna informashon di futuro di un Pais nunka por ta digno di lidera niun Pais

 

Kòrsou, 5 di ougùstùs 2018

 

Pueblo tin ku warda te fin di aña pa tende kiko ta bai pasa ku refineria siendo ku nos tur sa ku nos ta lat riba tur oloshi i e wega i desishon di a krea mas retraso ku desishonnan di Eugene Rhuggenaath i su Gobièrnu ta indikativo kaba ku e fin di refineria ta e meta real ku nan ta elaborando.

 

No tin siensia tras di “Proyekto Arawak”, diripiente Gabinete Rhuggenaath den dunamentu di nòmber, ke bira masha profundo, hungando ku e sentimentu di pueblo i su pasado i bai na nos orígennan indígena, pero kua sentido esaki tin si na final nan ta hibando nos plasa.

 

E búskeda di un partner nobo na lugá di unu di Estado Chines no tin sentido, si awe no ta papiando ku China òf Rusia, definitivamente no ta liderando nos Pais ku 2 dede di sinti. China i Rusia ta esnan ku tin e promé derechi di reservanan di krudo for di e estado Venezolano debí na e debenan bionario na e 2 paisnan ariba menshoná. Ta mas ku lógiko ku nan tin nesesidat di tin un refineria den serkania pa rafiná krudo i asina kapitalisá e produktonan rafiná i konvertí esaki den divisa pa bin bek kas i salba debenan di e estado Venezolano.

 

No tin mehorashon den e situashon di e refineria miéntras mas dia ta sigui pasa rapòrt di E&D Technologies di dia 15 Mei 2017 (https://www.scribd.com/document/385503693/Final-Report-Refineria-di-Korsou-Technical-Audit-Report-15-May-2017) ta haña mas valides i rason no opstante refutashon nan den Parlamento aña pasa i e aña aki di Eugene Rhuggenaath i su Gobièrnu. Rhuggenaath a gaña Staten i Pueblo di Kòrsou na diferente okashon riba e realidat di nos refineria.

 

Pa e motibu aki so, ya sr. Eugene Rhuggenaath tin e obligashon di dirigí su mes na Pueblo di Kòrsou i konta tur hende kua ta e realidat di nos refineria i di lokual e ta hasiendo den e proyekto ku e ta yama Arawak.

 

Eugene Rhuggenaath, Minister di Asuntunan General enkargá ku Refineria di Kòrsou i simultáneamente Promé Minister i ministernan ta e úniko nan responsabel pa futuro i malestarnan ku Refineria di Kòrsou ta kousando nos pueblo i nos Ekonomia.

 

Atentamente,

 

Gerrit F. Schotte

Lider di MFK

Advertisements
error: Content is protected !!
%d bloggers like this: