Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Djasabra ultimo, durante di Taste of Bonaire, direktor di TCB, sr. Maurice Adriaens a premia BYOF Media komo amasador di Boneiru. 

Djasabra ultimo, durante di Taste of Bonaire, direktor di TCB, sr. Maurice Adriaens a premia BYOF Media komo amasador di Boneiru. 
Aña pasá, BYOF Media su film, “The Hostage” a gana e kompetensia di The Hour Hour Film Project Bonaire aki na Boneiru.
Di e forma aki BYOF Media, ku ta konsistí di e lider di delegashon Angelo Alberto, e direktor di produkshon David Martinus i e “soundman” Boris David Lubo Santiago a representá Boneiru na Filmapalooza 2018 na mart ultimo. E biaha aki Filmpalooza 2018 a tuma lugá na Paris, Fransia.
Na Filmapalooza 2018 a estrená e pelikula Boneriano “The Hostage”. E pelikula aki ta na Papiamentu ku suptitulo na Ingles i Franses.
Aya na Filmapalooza 2018 e pelikula Boneriano a keda skohí komo un di e 12 miho pelikulanan entre 150 pelikula rònt mundo. Ademas, “The Hostage” a risibí dos nominashon, ku ta:
  • Best Directing pa David Martinus
  • Best Male Actor pa Jorge Luis Gonzalez Vazquez
Debí ku The Hostage a sali den e 12 mihó pelikulanan mundial trahá den 48 ora, “The Hostage” a haña e oportunidat tambe pa keda estrená na festival di Cannes na mei ultimo. Festival di Cannes ta e festival di film mas prestigioso na mundo. Ta promé biaha ku un pelikula di Boneiru, na Papiamentu, a keda estrená na festival di Cannes i ta un onor ku un pelikula for di un isla chikitu manera Boneiru, to na Papiamentu, a keda estená na Cannes.
Pa e rason aki, direktor di TCB, sr. Adriaens a opta pa nombra e elenko di The Hostage, komo amasadornan di Boneiru. BYOF Media ke gradisí TCB, sr..Adiaens i tambe Angelo Domacasse pa e bunita rekonosementu aki di talento Boneriano.
Advertisements
error: Content is protected !!
%d bloggers like this: