Advertisements

AVIOR  ta bèk ku 4 buelo pa siman for di Caracas, i nos orguyonan di Senior League lo ta riba e mesun buelo.

AVIOR  ta bèk ku 4 buelo pa siman for di Caracas, i nos orguyonan di Senior League lo ta riba e mesun buelo.

 

Ku sumo plaser e aeroliña AVIOR huntu ku Minister Steven Martina i CTB ta anunsiá ku entrante Djamars 7 di ougùstùs lo  reanudá e buelonan di e aeroliña AVIOR ruta Caracas-Kòrsou, for di ‘’Aeropuerto Internashonal de Maiquetía’’.

Avior lo bai bula 4 bia pa siman na orarionan kómodo i ku e mihó tarifanan riba merkado.

Djamars dia 7 ougùstùs  despues di mèrdia, e promé buelo lo pisa nos suelanan  kaminda seguidamente lo bai tin un resepshon na aeropuerto.  Einan sigur minister Steven Martina lo hasi akto di presensia.

Pa koroná e obra, pa medio di intervenshon di sr Hugo Clarinda di CTB a logra pone nos hóben kampionnan di Senior League  Beisbol riba e mesun buelo pa regresá Kòrsou.  Pues lo bai tin dos fiesta den un djamars 7 di ougustus  2.30 na Aeropuerto.

Nos orguyonan tambe lo yega Kòrsou!

Minister Martina ta sumamente kontentu ku e buelonan aki ta bèk i ku naturalmente e kaminda a habri atrobe pa nos por haña mas turista for di nos hermana Pais Venezuela, i tambe komersiantenan ku ta hasi negoshi ku Kòrsou i visa versa. Nos tur sa ku último tempu esaki a kai hopi dor di sierto situashonnan ya konosí. Pero tiki tiki ku positivismo nos lo kana e kaminda pa pone kosnan bèk riba pia.

Esaki pues sin duda ta otro paso Positivo pa desaroyo di nos Ekonomia i Turismo.

 

Advertisements
%d bloggers like this: