Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Orashon djadumingu 5 di ougustus 2018

Orashon djadumingu 5 di ougustus 2018

‘Ora e hendenan a ripará ku ni Hesus ni su disipelnan no tabat’ei mas, nan a drenta e botonan ei bai Kafárnao bai busk’É. Ora nan a hañ’É na e otro banda di e lago, nan a puntr’É: ‘Rabi, fo’i ki ora bo t’aki?’ Hesus a kontestá nan: ‘Mi ta sigurá boso: boso no ta buska Mi pasobra boso a komprondé e señalnan milagroso, ma pasobra boso a kome pan i yena boso barika. No traha pa kuminda ku ta kaba na nada, ma pa kuminda ku ta keda i ta duna bida eterno. Esei ta loke Yu di hende ta duna boso; pasobra ta riba djE, Tata, Dios mes, a pone su seyo.’ E hendenan a rospond’É: ‘Kiko nos mester hasi pa kumpli ku e obranan ku Dios ta deseá?’ Hesus a bisa nan: ‘T’esaki ta e kos ku Dios ke pa boso hasi: pone boso fe den Esun ku El a manda!’ Nan a kontestá: ‘Kua señal milagroso bo ta bai hasi antó, pa nos mira i pa nos kere den bo? Ki obra bo ta bai hasi? Nos antepasadonan a kome mana den desierto, manera Skritura ta bisa: “El a duna nan pan for di shelu pa nan kome.” ’ E ora ei Hesus a sigui bisa nan: ‘Mi ta sigurá boso: No ta Moises a duna boso e pan ku ta bini for di shelu; ta mi Tata ta duna boso e pan di shelu, e pan berdadero. Pasobra e pan ku Dios ta duna, ta baha for di shelu i ta duna mundu bida.’ Nan a pidiÉ: ‘Señor, duna nos e pan ei antó, awor akí i semper!’ Hesus a bisa nan: ‘T’Ami ta e pan ku ta duna bida! Esun ku bini serka Mi, lo no haña hamber nunka mas; esun ku kere den Mi, por konta ku nunka mas e no ta haña set. ‘ Huan 6:24-35

Advertisements
error: Content is protected !!
%d bloggers like this: