Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Kòntròl KPC, KMar i OM djasabra

Kòntròl KPC, KMar i OM djasabra

Funshonarionan di polis (KPC), Koninklijke Marechaussee (KMar) i Ministerio Públiko (OM) Kòrsou a partisipá djasabra 4 di ougùstùs 2018 den un akshon di trafiko 15:00 or te alrededor di 21:00 or.

E kòntròlnan tabata riba Caracasbaaiweg na altura di Sorsaka i den area di Janthiel na altura di Zanzibar.

A kontrolá dokumento i ku yudansa di KMar a kontrolá bebementu di alkohol tras di stur pa medio di e asina yamá “blaaspijp”.

A konfiská varios vehikulo, a reparti but i a kobra butnan atrasa di shofur. KPC lo duna mas informashon i sifranan mas spesifiká di e akshon.

Ministerio Públiko sinembargo por konfirmá lo sigiente:
Un total di 26 shofur a resultá ku but habrí. 24 Mester a paga nan but mesora. Ministerio Públiko a kobra na tur 4.300 florin na but atrasá.

Athunto algun portret di e akshon, opsekio di Ministerio Públiko.

 

 

 

 

 

 

Advertisements
error: Content is protected !!
%d bloggers like this: