Advertisements

Swim Club Orca Curaçao ku proyekto pa mucha di 3 i 4 aña familiarisá ku awa.

Willemstad, 20 di yüli 2018

 

Swim Club Orca Curaçao ku proyekto pa mucha di 3 i 4 aña familiarisá ku awa.

SCOCK-18009

Direktiva di Swim Club Orca Curaçao ta partisipá ku djasabra dia 04 di ougùstùs 2018 lo kuminsá ku kurso pa muchanan di 3 i 4 aña familiarisá (kustumá) ku awa. E kurso lo tin un durashon di tres (3) luna  i

dos (2) biaha pa siman tin treinen. Riba djasabra treinen ta di 16:00 or pa 17:00 or i djadumingu treinen ta di 10:00 or  pa 11:00 or na Pisina Bennie Leito.

Meta di e kurso aki ta pa e muchanan di 3 i 4 aña familiarisá/kustumá ku awa, di moda ku nan por manehá fásil den awa. Ora nan tin 5 aña nan por partisipá na e kurso pa diploma “A” sin problema. Na final di e kurso lo tin un tèst i e muchanan ku partisipá na e tèst lo risibí un sertifikado.

Kabando e kurso aki no ta nifiká ku e mucha sa landa, sino ku e por defendé su mes. Semper e mester tin “gordel” bistí  i e mester ta huntu ku su mayor ora e ta kantu di un pisina òf laman. E kurso ta kosta

  1. 150,00 pa tres (3) luna.

 

Pa inskripshon; djasabra 04 di ougùstùs for di 15.00 or  òf pa mas informashon tokante e kurso aki por yama sr. Vernon Toré na telefòn

529-6586.

 

Atentamente,

 

­­­­­Vernon Toré

Presidente di Swim Club Orca Curaçao

Tel: 529 6586

 

 

  • Mas informashon tokante di e klup di landamentu:

 

Swim Club Orca Curaçao ta un klup di landamentu ku ta brinda e siguiente disiplinanan:

 

  • Landamentu kompetitivo; (“Speed zwemmen”)
  • Landamentu rekreativo; (trein pa tene kurpa den kondishon i distraishon)
  • Waterpolo; (“polo aquatico”)
  • Landamentu sinkronisá; (“waterballet”)
  • “Open waters”; (kompetí riba distansia largu den laman)
  • “Master”:             (treinen pa kondishon pa adulto)

 

Pa tur hóben ku ta interesá, Swim Club Orca Curaçao ta trein:

djasabra di 14.30 or pa 16.00 or i djarason 16.30 or  pa 18.00 or na Pisina Bennie Leito.

Kontribushon ta Naf. 35,00 pa luna pa trein dos (2) biaha pa siman.

Tin treinen pa adulto tambe riba djasabra di 17.00 or pa 18.00 or i djamars di 18.30  or pa 19.30 or na Pisina Bennie Leito. Kontribushon ta Naf. 50,00 pa luna pa trein dos (2) biaha pa siman. Pa mas informashon por yama tel: 529 6586, Vernon Toré

Advertisements
error: Content is protected !!
%d bloggers like this: