Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Programa di Urgensia huntu ku Plataforma Banda Bou a entregá sertifikado di Kurso di EHBO na 18 persona.

Programa di Urgensia huntu ku Plataforma Banda Bou a entregá sertifikado di Kurso di EHBO na 18 persona.

WILLEMSTAD Djabièrnè 20 di yüli den un seremonia ameno, un kantidat di 18 kursista a risibí nan sertifikado pa e kurso di EHBO ku nan a sigui ku éksito. E lèsnan den e kurso aki a kuminsá den luna di febrüari último, ku un durashon di tres luna. Den e kuadro aki e kursistanan a siña kon pa reakshoná i asistí den diferente kaso di emergensia, por ehèmpel aksidente, kimadura, hogamentu òf ora tin mester di reanimashon, mara “verband” etc.

Ku e kurso di EHBO aki, Programa di Urgensia i Plataforma Banda Bou ta logra pa amplia e kapasidat di yudansa den kasonan di emergensia den e area di Banda Bou. Den kaso di un aksidente chikitu òf grandi, tin mas persona residensiá den e area ku lo por yega mas lihé na e sitio i asistí e personanan den nesesidat. E meta tras di e kurso aki ta tambe pa forma un ékipo di Krus Kòrá ku lo por asistí na aktividatnan den e area di Banda Bou, por ehèmpel durante marcha di karnaval. Despues di a sigui e kurso aki, e 18 personanan aki lo por asistí e pòst di ambulans na Barber den kaso ku tin mester. Di e forma aki por hasi e pòst aki mas aksesibel pa pueblo di Banda Bou.

Representantenan di Krus Kòrá i di Plataforma Banda Bou, kordinadó di bario pa aktividatnan di Programa di Urgensia den Barber, Sr. Siegfried Hazel i representante di ministerio di salú, sr. Axel Pikero tabata tei presente pa entregá e sertifikadonan i tabata sumamente satisfecho ku e evento aki i su resultadonan.

Manera ta konosí Programa di Urgensia ta dirigí su mes riba mehorashon di e situashon di biba i traha pa pueblo di Kòrsou, ku e enfoke riba Montaña, Buena Vista, Otrobanda i Barber. Programa di Urgensia ta traha riba diferente area ku direktamente òf indirektamente ta toka e kalidat di bida den e kuater barionan ariba menshoná.

Athunto algun potrèt di e aktividat ameno i tambe algun potrèt di e kursonan ku a tuma lugá den transkurso di e último lunanan.

 

Advertisements
error: Content is protected !!
%d bloggers like this: