Advertisements

Inougurashon di stentnan di piskado na Sha Caprileskade

Inougurashon di stentnan di piskado na Sha Caprileskade

WILLEMSTAD-  Minister di Desaroyo Ekonómiko, sr Steven Martina huntu ku Minister di Salú Medio Ambiente i Naturalesa sra. Suzy Camelia Römer i tambe Curaçao Ports Authority (CPA) orguyosamente a hasi inougurashon di e stèntnan di piskadó nobo na Sha Caprileskade.

Na luna di aprel di e aña aki, durante di kontrolnan rutinario di e tim di inspekshon di Ministerio di Desaroyo Ekonómiko (MEO) a konstatá ku e 3 stèntnan di piskadó na e waf di Sha Capriles tabata enkontrá den un estado inakseptabel. A base di esaki i den su afan pa mehora e situashon rondó di e waf ariba menshoná, MEO a tuma kontakto ku esnan konserní pa asina mas lihé posibel yega na un solushon pa ku e situashon aki. Curaçao Ports Authority (CPA) a sòru pues debidamente pa stèntnan kompletamente nobo di moda ku e usuarionan por keda hasi uso di e lokalidat pa por bende piska fresku.

Djabièrnè dia 20 di yüli den un esfera ameno porfin por a hasi inougurashon ofisial di e stèntnan di piskadó aki na Sha Caprileskade. Durante e okashon aki minister Martina huntu ku minister Camelia –Römer i sr Albert Zueste di CPA, simbólikamente a entrega un yabi na e usuarionan di e stèntnan i ku esaki duna nan e responsabilidat pa sigui kuida i mantené esakinan mientrastantu ku e ta den nan uso.

Esaki ta e promé paso ofisialmente den renobashon di e kara di henter Sha Caprileskade. E lokalidat na unda e barkunan di fruta lo mester ta situá ta aktualmente den un siguiente fase di renobashon i e ministerio ta spera di por re-inougura esakinan tambe pronto.

 

 

Advertisements
error: Content is protected !!
%d bloggers like this: