Advertisements

SELEKSHON DI VELAS LATINOAMÉRICA A EMPATÁ NA 2 GOL KU MAHUMA DURANTE WEGA AMISTOSO!

SELEKSHON DI VELAS LATINOAMÉRICA A EMPATÁ NA 2 GOL KU MAHUMA DURANTE WEGA AMISTOSO!

En konekshon ku e aktividatnan di Velas Latinoamérica Curaçao 2018, e selekshon di Velas Latinoamérica a enfrentá Mahuma durante un partido amistoso.

E partido aki a tuma lugá ayera ‘nochi den Stadion Ergilio Hato i a terminá ku empate di 2 gol.

E ekipo supkampion di Liga MCB Segundo Divishon tabata gana ku e skor di 2-0 durante e promé mitar di e enkuentro pero den e segundo tempu e selekshon di Velas Latinoamérica a sa di anotá 2 gol i empatá e partido aki. E golnan di Mahuma a keda anotá pa J. Faria ku       D. Dorand miéntras esnan di e selekshon di Velas Latinoamérica a keda anotá pa A. Garces ku J. Arenas. Despues di e partido aki e selekshon Velas Latinoamérica a risibí algun rekuerdo di nan partisipashon serka miembro di direktiva di FFK Sr. Stanley Coffy I tambe serka dirigente nan di e ekipo supkampion di Liga MCB Segundo Divishon, Mahuma.

Tur hende ku a asistí a presensiá un gran partido i despues por sigui disfrutá di sobra aktividat di Velas Latinoamérica Curaçao 2018.

Advertisements
error: Content is protected !!
%d bloggers like this: