Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Pronóstiko di tempu pa Kòrsou i bisindario bálido te djabièrnè mainta 6:00 o.l, 20 di yüli 2018.

Pronóstiko

Pronóstiko di tempu pa Kòrsou i bisindario bálido te djabièrnè mainta 6:00 o.l, 20 di yüli 2018.
Kompilá: djaweps 19 di yüli 2018, 05:00 o.l. (09:00 UTC)

Tempu: Shelu ta parsialmente te hopi nublá i ainda algun áwaseru prinsipalmente durante parti di awe mainta. Despues di esaki lo ta seku. Ta antispá un poko áwaseru un bes mas riba djabièrnè.

Temperatura máksimo lo alkansá 31 ºC i temperatura mínimo 26 ºC.
Solo ta sali 06:20 i ta baha 19:04 o.l.

Bientu: For di direkshon generalmente ost i moderá; forsa 3 te 4 (12 te 30 km/ora, 7 te 16 nudo). Algun ráfaga okashonalmente te basta fuerte i den áwaseru te fuerte; forsa 5 te 6 (31 te 50 km/ora, 17 te 27 nudo).

Situashon general: Un ola tropikal ta move wèst awe mainta riba e parti oriental di laman Karibe. E sistema di tempu aki ta alimentá nos area ku sufisiente humedat, ku na su bùrt lo sigui yuda ku desaroyo di nubia i áwaseru durante parti di awe djaweps. Aunke ménos, pero tambe riba djabèrnè un poko awa por kai. Ademas, e fluho di bientu ku a mengua un poko awe lo oumentá un bes mas, aserkando e siguiente fin di siman.

Kondishon di laman: Trankil te moderá ku altura di ola entre 0.5 i 1.5 meter (2 pa 5 pia).

Sistemanan signifikante di wer tropikal: Ningun.

Fenómeno spesial: Ningun.

Pèrspektiva te djasabra mainta:  E shelu lo ta kubrí parsialmente ku nubia i santu fini di Sahara. Un wer seku lo dominá.

Meteorólogo: Coffie

E próksimo boletin di tempu lo wòrdu publiká djaweps 11:00 o.l. (15:00 UTC).

 

 

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: