Advertisements

Orashon djaweps 19 di yüli 2018

Orashon djaweps 19 di yüli 2018

‘Kaminda dje hende ku ta tende di Bo ta rekto, o Dios Rekto, e kaminda ku Bo ta habri p’e ta pareu. Sí, riba e kaminda ku Bo ke pa nos sigui, nos ta konta ku Bo, o SEÑOR. Pa Bo ta semper na nos boka, den nos mente, t’esei ta deseo di nos kurason. Den anochi mi ta anhelá Bo di henter mi kurason, sí, ansiosamente mi ta buska Bo den profundidat di mi ser, pasobra ta te ora mundu sinti peso di bo sentensia, su habitantenan lo sa ki ta hustisia. O SEÑOR, Abo ta duna nos pas, pasobra tur loke nos a logra te awor t’Abo a hasi pa nos. SEÑOR, ora hende ta den pèrtá, ta serka Bo nan ta buska yudansa; pero ora Bo kastigá, nan ta purba di para bo kastigu murmurando fórmulanan mágiko. Nos tabata pa Bo, SEÑOR, manera muhé na estado na punto di duna lus, trosiendo di doló. Nos tambe mester a pari algu, nos a trose di doló, pero ta solamente bientu nos a pari. Nos no a trese p’e pais niun solushon, mundu a keda bashí, sin hende. SEÑOR, bo mortonan lo bolbe biba, kadavernan di mi pueblo lo lanta atrobe. Boso tur, drumí bou ‘i tera, spièrta i grita di alegria. E serena ku ta tapa boso ta yená ku lus. P’esei tera ta debolbé su mortonan. ‘ Isaías 26:7-9,12,16-19

Advertisements
error: Content is protected !!
%d bloggers like this: