Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Kultura di Salu Movementu Progresivo (MP) den diálogo ku pueblo riba un kultura saludabel 

Kultura di Salu

Movementu Progresivo (MP) den diálogo ku

pueblo riba un kultura saludabel 

 

Willemstad. Djadumingu 15 di yüli 2018 sra. Dr. Marilyn Moses, aktualmente parlamentario pa frakshon di MP den parlamento a kuminsá ku su skala di informashon i enkuentro riba e tema nobo “ Kultura di Salú”.  Ya pa basta tempu kaba e lider di MP ta papiando den parlamento tokante un kambio den nos salubridat. Dòkter Moses ta promoviendo un kultura distinto pa keda salu. Un kultura saludabel kaminda nos ta kome kumindanan na kas mas kolorido, saludabel i ekonómiko. P.e. nos mester yega na un kultura kaminda salu di kushina ,”keukenzout”, i suku no ta parti mas di nos kushina diario. Ademas bebementu di awa mester bira un kustumber. Ta konsehabel Bebe un glas di awa kada ora te ku 3or di atardi i despues por bebe segun nesesidat. Tambe ta hopi saludabel pa oumentá e bebementu di awa di koko.

Durante e diálogo di djadumingu último na Montaña Abou na kas di Jadira Felisia Catalina e públiko a trese bastante punto interesante dilanti i a hasi e enkuentro aki un éksito rotundo. Tur hende a disfrutá di e  djus di saludabel di Orégano.  Ademas abitantenan di bario i otro barionan probechá pa kue preshon i tambe nan peso serka Dr. Moses. E resultadonan a reflehá sifranan den nos komunidat tokante preshon haltu i sobr’é peso. E públiko mes tambe a bini ku alternativanan saludabel dilanti pa hasi nos kuminda mas saludabel manera p.e. oumentá uzo di gember, “ginger”, den kushina. Alabes públiko a pidi pa Gobièrnu bira su kara i pone atenshon pa salubridat di e pueblo di Kòrsou.

Despues di  e enkuentro aki diferente hende a pidi pa dòkter Moses sigui duna informashon i promové e  Kultura di Salú. Esaki tambe ta e intenshon di MP pa sigui ku e enkuentronan aki den mas tantu bario posibel na Kòrsou.

Un Kultura Saludabel ,  pa nos keda salú i un bon kalidat di bida.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: