Advertisements

Gobièrnu di Kòrsou ta deseá nos hóbennan deportista ku ta representá Kòrsou na weganan di C.A.C tur klase di éksito!

Gobièrnu di Kòrsou ta deseá nos hóbennan deportista ku ta representá Kòrsou na weganan di C.A.C tur klase di éksito!

 E di 23 Weganan Sentro Amerikano i di Karibe (Los XXIII Juegos Centroamericanos y del Caribe) – (C.A.C. Games) ta tuma lugá di 19 yüli pa 3 ougùstùs 2018 na Barranquilla, Colombia. E weganan aki ta wòrdu organisá spesialmente pa paisnan den region di Sentro Amérika i Karibe por kompetí kontra otro den un evento multi-deportivo. E deportistanan  ta kompetí den 47 disiplina. E aktividat aki ta keda organisá na e sede prinsipal na Barranquila huntu ku algun sede chikí mas na e siudat di Cali i algun munisipio mas.

Gobièrnu di Kòrsou ta kere den nos hóbennan ku ta praktiká deporte i ta apoyá nan i e inisiativa aki mas tantu posibel. Den e kuadro aki Gobièrnu di Kòrsou a finansiá e partisipashon di nos altetanan na proyekto magno di C.A.C. ku 1.3 miyon. Esaki a sosodé den estrecho koperashon ku Federashon Deportivo Olímpiko Kòrsou (F.D.O.K). Inougurashon di e weganan ta tuma lugá dia 19 yüli 2018 na Barranquilla. Kòrsou ta partisipá pa promé bes komo pais outónomo na e weganan di C.A.C. Di e manera aki bandera di Kòrsou ta wòrdu hisá den e stadion di C.A.C.

Minister di Enseñansa, Siensia, Kultura i Deporte (E.S.K.D), sra. drs. Marilyn Alcalá-Wallé, komo representante di gobièrnu, ta akompañá nos hóbennan deportista pa presensiá e apertura magno aki huntu ku representatenan di F.D.O.K.

Kòrsou ta keda representá dignamente dor di un delegashon ku ta konsistí di 95 persona. Sr. Ruthsel Martina komo hefe di e delegashon a sali pa Colombia kaba pa sigui kontinuá ku e preparashonnan. Kòrsou ta keda representá den e sigiuente disiplinanan: Atletismo – 9 atleta, Karate – 3 atleta, Natashon – 4 atleta, Softball – 15 atleta (1 team), Taekwondo – 8 atleta, Sailing – 3 atleta, Siklismo – 6 atleta, Tennis – 4 atleta i Beach volleyball – 2 atleta.

Anterior Minister di E.S.K.D. a hasi entrega ofishal di e Bandera di Kòrsou na F.D.O.K. mediante di e hóbennan ku lo representá Kòrsou. Minister Alcalá-Wallé huntu ku su Ministerio E.S.K.D i F.D.O.K ta mira ku hopi satisfakshon riba e logro aki i ta invitá pueblo di Kòrsou pa keda pendiente pa mas informashon ku lo sigui tokante prestashon di nos hóbennan ku ta representà Kòrsou dignamente na Baranquilla, Colombia.

 

Minister Marilyn Alcalá-Walle na nòmber di Pueblo di Kòrsou ta deseá nos hóbennan tur klase di éksito.

 

 

Advertisements
error: Content is protected !!
%d bloggers like this: