Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Renaissance Curaçao Resort ta invitá nos komunidat pa selebrá dianan di regata Velas Latinoamérika 2018

Renaissance Curaçao Resort ta invitá nos komunidat pa selebrá dianan di regata Velas Latinoamérika 2018

 WILLEMSTAD –  Renaissance Curaçao Resort & Casino ta felisitá e organisashon di Velas Latinoamérica Curaçao 2018 ku un fenomenal apertura djadumingu último. E ambiente lo kontinuá den transkurso di e dianan benidero; nos sentro di siudat ta impaktá ku su Handelskade kolorido i su dushi ambiente. Renaissance Curaçao Resort & Casino i tambe Rif Fort, komo un di e patrosinadónan tambe lo forma parti di e festividatnan rondó di Velas Latinoamérika 2018 ku diferente aktividat, happy hour i spesial pa tantu lokal, turista i tripulashon di e barkunan di bela.

 Despues di un eksitoso ‘Ahoy Happy Hour’ na Infinity Beach djaluna anochi, djamars dia 17 di yüli lo tin un ‘Ahoy Happy Hour’ ku entretenimentu di Cuban Groove den Rif Fort. Tur establesimentu den Rif Fort lo tin un spesial pa nan bishitantenan entre 6’or di atardi ku 7’or di anochi. Tambe lo tin un ‘Velas Treasure Hunt’ ku oportunidat di gana diferente premio, riba dianan 16, 17 i 18 di yüli. Pa partisipá ta fásil, download e aplikashon ‘GO Team’ i kuminsá mesora. E App ta grátis- partisipashon tambe! Renaissance Curaçao Resort & Casino, awor parti di Wind Creek Hospitality ta kontentu di por aportá na e aktividatnan durante e dianan di regata di Velas Latinoamérica Curaçao 2018. Ta invitá henter pueblo di Kòrsou pa selebrá e próksimo dianan di regata den nos sentro di siudat Otrobanda; sali i disfrutá di e diferente konsiertonan i bishitá e barkunan di bela. Pa mas informashon di e kalènder di aktividat por bishitá e página di facebook di Velas Latinoamérica Curaçao 2018 òf esun di Renaissance Mall & Rif Fort.

 

Advertisements
error: Content is protected !!
%d bloggers like this: