Advertisements

Delegashon di Kòrsou ta registrá na CAC 2018

Delegashon di Kòrsou ta registrá na CAC 2018

 

Den e reunion di registrashon di CAC – DRM  Shef di mishon Ruthsel Martina i asistente Gerard Charles a pasa riba e lista di inskripshon di nos atletanan di Kòrsou  i tin ku bisa ku tur atleta ta inskribi. Tabata un dia largu i intensivo ku a kuminsá for di 2 or di mèrdia i bin kaba 8.30 di  anochi. Mester a pasa na mesa di registrashon, despues protokòl,transporte, alohamentu kaba ora tur kos tabata kla i a risibi e faktura final mester a pasa na e mesa di finansa.

Despues ku a parti di finansa a keda kubri por a pasa na e mesa kaminda por a risibi e karnètnan di tur e deportista i dirigentenan. Tabata un forma nobo di inskripshon di e partisipantenan na e Weganan i mester bisa ku ofisina di FDOK bou di guia di su direktor sr. Gerard Charles a hasi un tremendo trabou ku registrashon di tur nos deportistanan, entrenadónan i dirigentenan. Nos a risibi diferente kòmplimènt pa e forma ku nos a prepará i presenta ku tur e informashonnan di nos delegashon. Awor ta di warda nos delegashon yega pa nos por start ku e kompetensianan. Huntu ku nos minister di deporte sra. Marilyn Alcala Walle, e deportistanan i dirigentenan di Kòrsou nos lo hisa e bandera di Kòrsou dia 19 juli pa 10 or di mainta den e villa kaminda e delegashon lo hospeda. Apertura di e Weganan lo tuma luga riba e mesun dia pa 6 or di atardi den e stadion Olímpiko na Barranquilla. Nos ta deseá e atletanan i dirigentenan di e promé grupo un bon biahe pa Barranquilla, Colombia

 

Advertisements
%d bloggers like this: