Advertisements

PIN ta felisitá Suzy Camelia-Römer

PIN ta felisitá Suzy Camelia-Römer

Korsou. Partido PIN un bia mas tin motibu di ta sumamente orguyoso di e determinashon i kurashi di su lider, Sra. Suzy Camelia-Römer, na interes di Kòrsou. E biaha aki ta trata di e desishon di Korte na fabor di gobièrnu pa e pèrmit pa konstrukshon di 62 kas pa pueblo na Wechi.

 Manera ta konosí, lider Polítiko sra. Suzy Camelia-Römer, apénas algun luna ku esaki a asumí e enkargo di Minister di Tráfiko, Transporte i Planifikashon Urbano, a kibra e insertidumbre ku a reina pa años serka FKP i den pueblo pa ku konstrukshon di kas na Wechi. E tempu ei, despues ku e minister a tende tur opheshon di organisashonnan ku ta aktivo riba tereno di defensa di medio ambiente i naturalesa, a laga investigá e diferente opheshonnan. Ora e resultado di e investigashonnan a mustra ku e promé fase di konstrukshon di vivienda na Wechi lo no kousa daño na naturalesa ni tráfiko riba nos kareteranan, sra. Camelia-Römer tabatin kurashi i determinashon di firma i otorgá pèrmit na FKP pa konstrukshon di 62 kas.

Den su veredikto di 11 yüli 2018, por sierto mas ku dos aña despues ku sra. Camelia-Römer a otorgá e pèrmit, Korte a keda konvensí ku e pèrmit pa konstrukshon di 62 kas na Wechi no ta enpugná di e Lei riba konstrukshon i tampoko kontra maneho di gobièrnu.

Ta danki na e kurashi i determinashon aki di sra. Camelia-Römer ku un biaha mas pueblo, prinsipalmente esnan ku ta spera riba un vivienda, por keda aliviá. PIN ta sigui konta ku determinashon di su mandatario na bienestar di nos pais.

Advertisements
%d bloggers like this: