Advertisements

Otro siman djarason na Wilhelmina Plein: MUSIKONAN LO MANIFESTA KONTRA AKSHONNAN KU TA MENASA EKSISTENSIA DI SITIONAN DI FIESTA

Otro siman djarason na Wilhelmina Plein:

MUSIKONAN LO MANIFESTA KONTRA AKSHONNAN KU TA MENASA EKSISTENSIA DI SITIONAN DI FIESTA

 

WILLEMSTAD —   Direktiva di AMAK durante un reunion èkstra ordinario ku su miembronan, a diskutí riba e problema ku lei di molèster di zonido por produsí pa sera establesimentunan di horeca.

Ta fresku den nos memoria kuantu di e sitionan aki ya a keda afektá . Nos ta referí aki na e.o. Klup Deportivo Santa Rosa, Hòfi Fidel, Hòfi Bisheuvel,  Brakkeput Mei Mei, de Heeren, de Tropen, den e dianan ku a pasa menasa kontra di e diferente cafenan den Nieuwestraat.

Na final di e reunion general, èkstra ordinario, miembronan a pidi direktiva di AMAK pa organisá un manifestashon di protesta na Parke Wilhelmina, djarason dia 18 di yüli 2018.

Direktiva di AMAK ta hasi un apelashon riba tur miembro, doñonan di klup i cafe i tur de ma sluganan di Horeca  i pueblo di Kòrsou en general, pa asistí na e manifestashon aki durante kua vários orador lo hiba palabra. E aktividat ta kuminsá pa 6 or di atardi.

Direktiva di AMAK

Advertisements
%d bloggers like this: