Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Formashon mental/kultural pa klientenan den SDKK

Formashon mental/kultural pa klientenan den SDKK

Kòrsou – Den kuadro di e trayekto di resosialisashon ku ta andando den SDKK a inisiá e proseso pa duna klientenan e derecho i oportunidat pa ampliá nan konosementu lokal i internashonal pa medio di entre otro lesamentu.
Últimamente kolaboradornan di Sentro di Detenshon i Korekshon Kòrsou (SDKK) su Unidat di Korekshon, ku ta responsabel pa resosialisashon, den kolaborashon ku Biblioteka Nashonal Kòrsou (BNK), despues di a traha duru huntu pa hasi realisá un donashon di bukinan na SDKK.
Den e kuadro aki e kordinadónan di aktividat a hiba diferente kombersashon ku BNP, despues ku Tim di Maneho di SDKK a investigá i analisá e diferente nesesidatnan bou di e klientenan den SDKK. Den kuadro di e proseso pa duna informashon positivo di e diferente desaroyonan entre otro den SDKK, e maneho ku Minister di Hustisia, señor Quincy Girigorie, ta hibando den e kadena hudisial, ta dunando su frutanan i esakinan mester wòrdu desplegá na pueblo di Kòrsou. Ta bon pa para ketu na e resultado di e investigashon i análisis aki. Na promé lugá e resultadonan a demostrá ku tin un interes enorme bou di e poblashon pa lesa en general. Na di dos lugá tin un nesesidat pa lesa bukinan na Papiamentu (Ingles i Spañó). Na di tres lugá tabatin un nesesidat eksplísito pa bukinan di eskritornan di Kòrsou. Ku esaki por konkluí ku e diferente inisiativanan interno i eksterno, pa motivá i aktivá e proseso di pensa positivo, aktua positivo i siña di otro ta dunando, riba sierto kliente i riba sierto tereno, e kambio deseá den nan pensamentu i aktitut.
Pa e kolaboradónan di biblioteka di SDKK tabata un gran plaser di por a organisá e enkuentro aki interno, kaminda den representashon di sra. Y. Jacobus, E. Con i J. Martis di parti di BNK a hasi akto di presensia pa asina entregá e donashon di bukinan. Ta trata aki di e bukinan “Dubbelspel” (Frank Martinus Arion q.e.p.d) i “ Mijn Zuster de Negerin (Cola Debrot q.e.p.d). Por sierto dos eskritor ku ta forma parti di nos patrimonio kultural literal.
Tabata un enkuentro ameno kaminda e Tim di Maneho di SDKK, den representashon di srs. R. Richardo i A. Hasselmeyer, asistí pa dos Guiando di Aktividatnan (sra. S. LLewelyn i L. Roojer) a gradesí BNK pa nan gesto mustra na nos klientenan ku tambe tin e deseo i derecho pa keda lesa i sigui inspirá nan mes ku literatura.
A palabrá ku algun buki mas (+ – 900) ku wòrdu lesá hopi lo ser duná na SDKK den futuro serkano, tambe den forma di donashon. Asina aki paralelo ku mas buki ta drenta SDKK lo bai over na saka esnan ku ta bieu, kibrá òf ku no ta pertenesé den biblioteka di SDKK. Tambe BNK a duna palabra ku lo manda un persona pa por sostené i konsehá SDKK kon pa aktivá mas mihó i alabes na un forma mas atraktivo pa nos lesadónan interno. Di parti di Tim di Maneho i klientenan di SDKK ta bai un danki enorme na nos Biblioteka Nashonal Kòrsou.

 

 

Advertisements
error: Content is protected !!
%d bloggers like this: