Advertisements

Ambiente ta start mesora despues di ‘pitaso’ final: E ‘Mundial Afterparty’ ta na Red Village ku ONE

Ambiente ta start mesora despues di ‘pitaso’ final: E ‘Mundial Afterparty’ ta na Red Village ku ONE

WILLEMSTAD:  Un kos ta sigur e mundial aki tabata unu di hopi sorpresa! Fransia lo topa Croatia pa e gran final i Digicel ke topa e fanátiko den su Red Village na Fusions Restaurant, Salinja Galleries.  “Pa e último 4 simannan aki, Red Village tabata ‘kas’ pa hopi fanátiko di futbòl. Maske kada un tabata simpatisá nan tim faborito tòg tabata reina union entre nan. Esei ta un di e metanan di Mundial tambe, pa uni hende. Digicel ta kontentu di por a forma parti di esei; i ta klaro, ku mester selebrá e partido final den grandi!”, esaki di akuerdo ku Jorge Cuartas, Marketing Manager di Digicel. “Nos ta selebrá un temporada eksitoso na unda ku públiko por a disfrutá di e weganan riba 16 pantaya grandi HD, konekshon di WiFi grátis i premionan durante tur wega ora ku ‘Spin The Wheel’ ku Digicel. Kuater siman eksitante di Mundial. Djadumingu awor lo tin tremendo ambiente atrobe.”

 

Ambiente ku ONE

Digicel ta invitá tur fanátiko di futbòl, pa selebrá e gran final djadumingu awor dia 15 di yüli riba lugá di stashonamentu di Fusions Restaurant, Salinja Galleries- sitio ku durante di e último simannan aki tabata e Red Village. Pa sera e temporada ku broche di oro, Dibo D embahador di Digicel lo tei pa pone tremendo ambiente huntu ku su koleganan di ONE. Digicel lo pone tènt pa tapa solo i Fusions lo instalá un bar parti pafó. E ambiente lo start mesora, asina ku e partido tèrminá. Klaro, manera semper lo tin premio pa usuarionan di Digicel i públiko gana!

 

Un premio grandi di 2,500 florin

Ta rekordá tur kliente ku ainda tin 2 siman di kampaña; Rekargá Mas i Gana Mas! Ora bo rekargá bo telefon ku 10 florin òf mas lo bo risibí outomátikamente un lòt. Tuma nota ku e montante ku bo rekargá (Top-Up) den siman ta konta pa e siman ei. Rekargá bo telefon ku 10 florin òf mas- mínimo 1 bes durante di e periodo di e kampaña.  Por rekargá via My Digicel App, e mashinnan di Top-Up na Digicel Megastore i tambe na Digicel Brionplein òf via di e sistema di karchi. Klientenan ku tin postpaid tambe por partisipá, dor di paga nan resibu na tempu. Nan lòt tambe lo konta pa e rifa semanal i na final di e kampaña pa e premio grandi. Ya kaba Digicel a regalá 4 premio- di siman, na balor di 250 florin kada un. Premionan grandi di e kampaña lo ta 2,500 florin, un di dos premio di 1,000 florin i finalmente un terser premio di 500 florin.  *Kampaña bálido te ku dia 21 di yüli i e ganadónan lo wòrdu anunsiá dia 24 di yüli próksimo.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: