Advertisements

Gobièrnu ta brinda un segundo oportunidat Ban retomá enseñansa i futuro “HUNTU”

Gobièrnu ta brinda un segundo oportunidat Ban retomá enseñansa i futuro “HUNTU”

 

Openbaar Secundair Beroeps Onderwijs Deeltijdopleidingen

Entrevista ku Shulaika Zwerwer, direktor di OSBOD.

 

Kiko OSBOD ta para p’e?

OSBOD ta para pa Openbaar Secundair Beroeps Onderwijs Deeltijdopleidingen.

Dediká speshalmente na adultonan ku pa un òf otro motibu personal no por a logra kaba un estudio o elevá nan mes riba parti di nan estudio i tei speshalmente pa duna nan e oportunidat pa sigui krese i desaroyá nan mes. Dependiendo di kua tipo nivel di estudio nan a kaba den dia.

Osbod ta ofresé opleiding na diferente nivel: for di nivel 1 te nivel 4. E opleidingnan aki ta ser duná na diferente lokalidat: MTS, SGO Jacques Ferrandi, Nilda Pinto i Juan Pablo Duarte. OSBOD ta ofresé opleiding den tres diferente sektor; Welzijn nivel 2 te ku nivel 4, Techniek, opleidingnan di Elektro, Bouwkunde i Werktuig bouwkunde for di nivel 2 te ku nivel 4, tambe sektor di Ekonomia, opleiding di ICT na nivel 3 i nivel 4 i tambe opleiding di Brood en Banket nivel 1 i 2.

Lèsnan ta wòrdu duná for di 6’or di atardi te ku 9.15 di anochi di djaluna pa djaweps, ta solamente lèsnan di Brood en Banket ta riba e orarionan 5’or di atardi te ku 9.30 di anochi.

OSBOD ta un opleidingsinstituut ku ta entregá diploma rekonosé. Na momento ku e studiante terminá su estudio e ta haña un diploma rekonosé i esnan ku tèrminá estudio na nivel 4 por ingresá na un HBO opleiding den futuro si nan ta deseá esaki.

Ta hopi importante pa e studiantenan ta motivá, tin dominio propio, ta kumpli ku nan reglanan i ku nan a tuma un desishon den nan bida pa nan sigui un estudio spesialmente anochi.

Un kos ta importante pa komo studiante bo sigui kòrda: fiha riba bo meta, paso despues di 2, 3 o 4 aña bo tin un diploma rekonosé den bo man ku tur e benefisionan ku e diploma ta trese pa bo.

Si bo no sa presis ta kua ta e opleiding ku ta korespondé o lo match mihó ku bo, no tene miedu, tuma kontakto ku nos personal na OSBOD kendenan den un intake gesprek lo yuda bo match bo interés ku e opleiding ku ta fet mihó ku bo i a mas mihó serka bo.

Un konseho na tur adultonan ku no a logra (pa kual sea e motibu) den pasado pa terminá nan estudio pa NO DUDA MAS. OSBOD su portanan ta para habrí pa un i tur ku ta motivá pa retomá nan estudio.

 

Ban retomá enseñansa i futuro HUNTU

 

Advertisements
%d bloggers like this: