Advertisements

KOMUNIKADO DI KUERPO POLISIAL KÒRSOU Detenshon pa destrukshon i maltrato.

KOMUNIKADO DI KUERPO POLISIAL KÒRSOU
278 / 2018
9 yüli 2018

Detenshon pa destrukshon i maltrato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 9 di yüli 2018 alrededor di 03.51 or, Sentral di Polis a dirigí un unidat polisial na un kas den área di Fortuna Ariba pa un kaso di destrukshon i maltrato. Na yegada di polis na e sitio nan a komprondé for di un dama ku un ratu promé su eks pareha (1) a presentá na kas di su pareha(2). E hòmber (1) a kuminsá diskutí ku pareha(2) di e dama, a maltraté i a destruí artikulonan den e kas. Tambe e hòmber sospechoso(1) a destruí lus di un outo ku tabata stashoná riba tereno di e kas i ku ta propiedat di e doño(2) di e kas. Despues di su akto e hòmber sospechoso bandoná e sitio.
Kontinuando ku e investigashon polis a bai na kas di e hòmber sospechoso na Fortuna Ariba pa hasi detenshon. Na momentu di su detenshon e hòmber aki a resisití su aresto i polis a hañé ta lòs tiru di atvertensia pa por kontinuá ku detenshon di e hòmber R.D.J.L. nasé na Kòrsou di 29 aña di edat, pa e destrukshon i maltrato ariba menshoná.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: