Advertisements

Departamento di Salud Publico ta informa  ‘Recall’ ariba Kellogg’s Honey Smacks Cereal

Departamento di Salud Publico ta informa  ‘Recall’ ariba Kellogg’s Honey Smacks Cereal

 

ORANJESTAD, Aruba – 20 juni 2018: Food and Drugs Administration (FDA) recientemente a haci un ‘recall’ riba e producto Honey Smacks Cereal di marca Kellogg’s despues cu varios persona a bira malo di Salmonella den diferente estado na Merca.

Ta sospecha cu e brote di salmonela ta relaciona na consumo di e producto aki Honey Smacks Cereal di Kellogg’s. FDA ta conseha tur consumidor pa no come e producto aki cu tin e fecha di production menos cu un (1) aña bieu y ta referi tambe na e producto aki den tur size di empake, di caha grandi te cu size chikito.

Departamento di Salud Publico despues di a wordo notifica riba e recoleccion aki a tuma tur paso nesesario. A tuma contacto cu agencia distribuidor y otro companianan cu tambe ta importa e marka aki.

E producto Honey Smacks Cereal a wordo kita for di riba shelf den tur supermercado pero un suplica ta bay na comunidad pa revisa si na cas nan por tin e producto aki. Si esaki ta e caso, no consumi esaki y entrega esaki na Frasa Trading.

Pa mas informacion por tuma contacto cu Dienst Warenkeuring en Hygiëne di Departamento di Salud Publico na 5224200.

Advertisements
error: Content is protected !!
%d bloggers like this: