Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Visepresidente di Parlamento a risibí e Embahador di Ghana na Parlamento

Visepresidente di Parlamento a risibí e Embahador di Ghana na Parlamento

 

Djarason 13 di yüni 2018 último su ekselensia sra. Sofia Horner-Sam, embahador pa Ghana na Den Haag a hasi un bishita di kortesia serka Visepresidente di Parlamento, sra. Giselle Mc William. E mishon di sra. Horner-Sam na Kòrsou ta entre otro pa papia ku kandidatonan pa e puesto di Kònsùl Honorario pa Ghana na Kòrsou. Durante e kombersashon ameno e delegashon di Ghana a duna un bista di e desaroyonan ku pais afrikano aki i tur loke ta e retonan ku nan ta enfrentándo aktualmente. Entre e retonan aki tin e forma pa atendé ku sushi (kolekshon, separashon, resiklahe) i e falta di konsientisashon serka e públiko di e peligernan di plèstik pa e medio ambiente. E Repúblika Ghana a  eksperensia un transformashon konstitushonal ekonómiko i finansiero hopi remarkabel e último dékadanan, nan a optené nan independensia di e Imperio Britániko i a bira un Repúblika soberano dia 6 di mart 1957. Un akto ku a pone Ghana den historia komo e promé pais dje kontinente i dje region sub-sahara ku a bira independiente. Aktualmente e pais Ghana tin 29.434.960 mion hende ta biba denter di su frontera. Mundialmente e Pais Ghana ta su posishon komo pais eksportadó ta na di 92 lugá ku eksportashon di petroli krudo, Oro, djamanta, bausit, aluminio, palu i diferente produkto agríkola. Tantu di parti di Parlamento di Kòrsou i di parti di e representantenan dje Embahada di e pais Ghana aya na Den Haag na final dje reunion a ekspresá e deseo pa keda den kontakto i interkambiá informashon balioso riba tereno di kultura i edukashon.

 

Deskripshon dje pòtrèt:

Di robes pa drechi: sr. George de Souza, Sra. Doris Brese,  vicepresidente di Parlamento Sra. Giselle Mc. William, su ekselensia sra. Sofia Horner-Sam i Grefir di Parlamento mr. Silvin Cijntje.

Advertisements
error: Content is protected !!
%d bloggers like this: